കർണാടകയിൽ നിന്നും മദ്യക്കടത്ത്; 110 ലിറ്റർ മദ്യവുമായി 2 പേർ പിടിയിൽ

By Team Member, Malabar News

പാലക്കാട് : ലോറിയിൽ കടത്താൻ ശ്രമിച്ച 110 ലിറ്റർ മദ്യവുമായി ജില്ലയിൽ 2 പേർ പിടിയിൽ. എക്‌സൈസ് സ്‌പെഷ്യൽ സ്‌ക്വാഡ് സർക്കിൾ ഇൻസ്‌പെക്‌ടർ പികെ സതീഷിന്റെ നേതൃത്വത്തിൽ നടന്ന പരിശോധനയിൽ മംഗലം പാലത്തിന് സമീപത്ത് നിന്നാണ് മദ്യം പിടികൂടിയത്. സംഭവത്തിൽ പുതുക്കോട് സ്വദേശികളായ നവാസ് (28), ബഷീർ (32) എന്നിവരെ എക്‌സൈസ്‌ സംഘം അറസ്‌റ്റ് ചെയ്‌തു.

കർണാടകയിൽ നിന്നും കേരളത്തിലേക്ക് വന്ന പച്ചക്കറി വണ്ടിയിലാണ് മദ്യം കടത്തിയത്. നിലവിൽ സംസ്‌ഥാനത്തെ മദ്യശാലകൾ അടഞ്ഞു കിടക്കുന്നതിനാൽ കർണാടകയിൽ നിന്നും വിവിധ ജില്ലകളിലൂടെ മദ്യം അതിർത്തി കടക്കുന്നത് രൂക്ഷമായിട്ടുണ്ട്. കർണാടകയിൽ നിന്നും വില കുറഞ്ഞ മദ്യം എത്തിച്ച ശേഷം ഉയർന്ന വിലക്കാണ് ഇവിടെ വിതരണം ചെയ്യുന്നത്.

സ്‌പെഷ്യൽ സ്‌ക്വാഡ്  ഇൻസ്‌പെക്‌ടർ എ ഷൗക്കത്തലി, ആലത്തൂർ റേഞ്ച് ഇൻസ്‌പെക്‌ടർ കെഎസ് പ്രശോഭ്, സ്‌പെഷ്യൽ സ്‌ക്വാഡ്‌ പ്രിവന്റീവ് ഓഫിസർമാരായ ടിജെ ജയകുമാർ, ആർ വിനോദ് കുമാർ, ജി പ്രഭ, സിഇഒമാരായ, കെ പ്രമോദ്, എം അഷറഫലി, എസ് നിഷാദ്, ഡി വിപിൻ ദാസ്, ഭുവനേശ്വരി, ഡ്രൈവർ കണ്ണദാസൻ എന്നിവരും പ്രതികളെ പിടികൂടിയ സംഘത്തിൽ ഉണ്ടായിരുന്നു.

Read also : മുട്ടിൽ മരംമുറി കേസ്; ഉദ്യോഗസ്‌ഥരുടെ വീഴ്‌ച കണ്ടെത്തിയ ഡിഎഫ്ഒയെ മാറ്റി

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE