തിരുവനന്തപുരം: തെക്ക് കിഴക്കന് ബംഗാള് ഉള്ക്കടലില് രൂപംകൊണ്ട ന്യൂനമര്ദ്ദം കോമറിന് ഭാഗത്തുനിന്നും അറബിക്കടലില് പ്രവേശിച്ചു. ഈ മാസം ഏഴാം തീയതി വരെ ന്യൂനമര്ദ്ദത്തിന്റെ ഫലമായി കേരളത്തില് ഇടിമിന്നലോട് കൂടിയ മഴ തുടരുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
ഇന്ന് രാവിലെയോടെ അറബിക്കടലില് പ്രവേശിച്ച ന്യൂനമര്ദ്ദം ഇപ്പോള് ലക്ഷദ്വീപിന് മുകളിലും സമീപത്തുള്ള തെക്ക് കിഴക്കന് അറബിക്കടലിലുമായി സ്ഥിതി ചെയ്യുകയാണ്.
ന്യൂനമര്ദ്ദം വരുന്ന മൂന്ന് ദിവസം വടക്ക്, വടക്ക്- പടിഞ്ഞാറൻ ദിശയില് സഞ്ചരിക്കുകയും കൂടുതല് ശക്തി പ്രാപിക്കുവാനും ഇടയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇതിന്റെ ഫലമായി ലക്ഷദ്വീപ് മുതല് കര്ണാടക തീരം വരെ ന്യൂനമര്ദ്ദ പാത്തി രൂപപ്പെട്ടിട്ടുണ്ട്.
അതേസമയം ഇന്നും നാളെയും ഒറ്റപ്പെട്ട, ശക്തമായതും അതി ശക്തമായതുമായ മഴ ലഭിച്ചേക്കുമെന്നും കാലാവസ്ഥാ വകുപ്പ് അറിയിച്ചു. സംസ്ഥാനത്ത് ഇന്ന് എട്ട് ജില്ലകളിൽ ഓറഞ്ച് അലർട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട് ജില്ലകളിലാണ് ഓറഞ്ച് അലർട്ടുള്ളത്.
Most Read: സ്വർണക്കടത്ത് കേസ്; പ്രതികൾക്ക് ജാമ്യം നൽകിയതിന് എതിരെ എൻഐഎ സുപ്രീം കോടതിയിലേക്ക്