മലപ്പുറം: ആൾക്കൂട്ട കൊലപാതകം മാപ്പർഹിക്കാത്ത കൊടുംപാതകമാണെന്നും കുറ്റവാളികൾക്ക് മാതൃകാപരമായ ശിക്ഷ ഉറപ്പാക്കണമെന്നും കേരള മുസ്ലിം ജമാഅത്ത് ജില്ലാകമ്മിറ്റി ആവശ്യപ്പെട്ടു.
എന്തിന്റെ പേരിലായാലും ജനങ്ങൾ നിയമം കയ്യിലെടുക്കുന്നത് ഒരു നിലക്കും അംഗീകരിക്കാനാവില്ല. ജില്ലയിലുണ്ടായ വേദനാജനകമായ ഈ അനിഷ്ട സംഭവത്തെ വർഗീയവൽക്കരിച്ച് രാഷ്ട്രീയ മുതലെടുപ്പ് നടത്താനുള്ള ഫാസിസ്റ്റുകളുടെ ശ്രമങ്ങൾക്കെതിരെ അധികൃതർ ജാഗ്രത പാലിക്കണമെന്നും കമ്മിറ്റി അഭ്യർഥിച്ചു.
പ്രതികളെ സമയോചിതം പിടികൂടിയ ജില്ലാ പോലീസിന്റെ നടപടിയെ കമ്മിറ്റി അഭിനന്ദിച്ചു. പ്രസിഡന്റ് കുറ്റമ്പാറ അബ്ദുറഹ്മാൻ ദാരിമി അധ്യക്ഷത വഹിച്ച ചടങ്ങളിൽ ഊരകം അബ്ദുറഹ്മാൻ സഖാഫി, കെപി ജമാൽ കരുളായി ഉൾപ്പടെയുള്ള നേതാക്കൾ പങ്കെടുത്തു.
National: ‘കേരള സ്റ്റോറി’; നിരോധിച്ചിട്ടില്ലെന്ന് തമിഴ്നാട് സർക്കാർ