ബെംഗളൂരു: മലയാളി മുന്നേറ്റ താരം ആഷിഖ് കുരുണിയൻ ബെംഗളൂരു എഫ്‍സി ഐഎസ്എൽ ക്ളബ് വിട്ടു. താരം ക്ളബ് വിട്ട വിവരം ബെംഗളൂരു എഫ്‍സി ഔദ്യോഗികമായി അറിയിച്ചു. വിങ്ങറായും ലെഫ്റ്റ് ബാക്ക് ആയും കളിക്കുന്ന ആഷിഖ് അടുത്ത സീസൺ മുതൽ എടികെ മോഹൻ ബഗാനിൽ കളിച്ചേക്കുമെന്നാണ് സൂചന. താരത്തെ സ്വന്തമാക്കാൻ കേരള ബ്ളാസ്‌റ്റേഴ്‌സ്‌ ശ്രമിച്ചിരുന്നു. എന്നാൽ, ഇത് വിജയിച്ചില്ലെന്നാണ് വിവരം.
2019 സീസണിൽ ബെംഗളൂരുവിലെത്തിയ ആഷിഖ് വർഷങ്ങളായി നിലവാരമുള്ള പ്രകടനം നടത്തിവരുന്ന താരമാണ്. അതുകൊണ്ട് തന്നെ 24കാരനായ താരത്തെ ടീമിലെത്തിക്കാൻ എടികെയ്‌ക്ക് താൽപര്യമുണ്ട്. താരക്കൈമാറ്റവുമായി ബന്ധപ്പെട്ട് ഇരു ക്ളബുകളും തമ്മിൽ ചർച്ച നടന്നുകഴിഞ്ഞെന്നും ഇതിനോട് ബെംഗളൂരു അനുകൂലമായാണ് പ്രതികരിച്ചത് എന്നുമാണ് റിപ്പോർട്ടുകൾ.
Read Also: അഗ്‌നിപഥ് പ്രതിഷേധം; അറസ്‌റ്റിലായവരുടെ വിവരങ്ങൾ തേടി കേന്ദ്രം
