തിരുവനന്തപുരം: ജില്ലയിലെ വാമനപുരം ആറ്റിൽ വയോധികനെ മരിച്ച നിലയിൽ കണ്ടെത്തി. ഭരതന്നൂർ അംബേദ്കർ കോളനി സ്വദേശി പുരുഷോത്തമന്റെ(62) മൃതദേഹമാണ് കണ്ടെത്തിയത്. ഇന്ന് ഉച്ചക്ക് 2 മണിയോടെയാണ് ആറ്റിൽ നിന്നും നാട്ടുകാർ മൃതദേഹം കണ്ടെത്തിയത്.
കല്ലറ മൈലമൂട് ഭാഗത്ത് നിന്നാണ് മൃതദേഹം കണ്ടെത്തിയത്. പുരുഷോത്തനെ രണ്ട് ദിവസമായി കാണാനില്ലന്ന് ചൂണ്ടിക്കാട്ടി ഭാര്യ പാങ്ങോട് പോലീസിൽ പരാതി നൽകിയിരുന്നു. അതിന് പിന്നാലെയാണ് ഇന്ന് അദ്ദേഹത്തിനെ ആറ്റിൽ മരിച്ച നിലയിൽ കണ്ടെത്തിയത്.
ഇദ്ദേഹത്തിന് ചില മാനസിക പ്രശ്നങ്ങളുള്ളതായിട്ടാണ് വിവരം. ഇൻക്വസ്റ്റ് നടപടികൾക്ക് ശേഷം മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം മൃതദേഹം ബന്ധുകൾക്ക് വിട്ടുനൽകും. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
Read also: കാസർഗോഡ് പശുവിതരണ പദ്ധതിയിൽ ക്രമക്കേട്; ഉദ്യോഗസ്ഥന് സസ്പെൻഷൻ