കാസര്‍ഗോഡ് : ഫാഷന്‍ ഗോള്‍ഡ് ജ്വല്ലറി തട്ടിപ്പ് കേസില്‍ അറസ്‌റ്റിലായ എംസി കമറുദ്ദീന് എംഎല്‍എയെ ആശുപത്രിയില്‍ പ്രവേശിപ്പിച്ചു. ശാരീരിക അസ്വസ്‌ഥതകളെ തുടര്‍ന്ന് ഇന്ന് രാവിലെയോടെയാണ് ആശുപത്രിയില്‍ പ്രവേശിപ്പിച്ചത്. പ്രമേഹരോഗം ഉയര്‍ന്നതിനെ തുടര്‍ന്ന് ശാരീരിക അസ്വസ്‌ഥതകള്‍ ഉണ്ടാകുകയായിരുന്നു എന്നാണ് ലഭിക്കുന്ന വിവരങ്ങള്‍. കാസര്‍ഗോഡ് ജില്ലാ ആശുപത്രിയില്‍ ചികില്‍സയില്‍ കഴിയുകയാണ് ഇപ്പോള്‍ കമറുദ്ദീന് എംഎല്‍എ.
കമറുദ്ദീന് കടുത്ത പ്രമേഹ രോഗിയാണെന്ന വിവരം അദ്ദേഹത്തിന്റെ അഭിഭാഷകൻ നേരത്തെ തന്നെ കോടതിയില്‍ അറിയിച്ചിരുന്നു. എന്നാല്‍ കോടതിയില്‍ ഹാജരാക്കിയ മെഡിക്കല്‍ രേഖകള്‍ എല്ലാം തന്നെ പഴയതാണെന്ന വാദമാണ് പ്രോസിക്യൂഷന്‍ ഉന്നയിച്ചത്. ഇതിനെ തുടര്‍ന്ന് പ്രോസിക്യൂഷന്റെ വാദം ശരിവച്ച കോടതി കമറുദ്ദീന് ജാമ്യം നിഷേധിക്കുകയായിരുന്നു.
Read also : കാരാട്ട് ഫൈസൽ മൽസരിക്കില്ല; പിൻമാറാൻ ആവശ്യപ്പെട്ട് സിപിഎം
