കോഴിക്കോട്: മീഡിയ വൺ ചാനലിന് കേന്ദ്ര സർക്കാർ ഏർപ്പെടുത്തിയ വിലക്ക് ഹിന്ദുരാഷ്‌ട്രം സ്‌ഥാപിക്കാനുള്ള പദ്ധതിയുടെ ഭാഗമെന്ന് സിപിഎം പോളിറ്റ് ബ്യൂറോ അംഗം എംഎ ബേബി. കോഴിക്കോട് ഭരണഘടനാ സംരക്ഷണ സമിതി സംഘടിപ്പിച്ച ‘മാദ്ധ്യമ സ്വാതന്ത്ര്യവും ഇന്ത്യൻ ഭരണഘടനയും’ സെമിനാറിൽ സംസാരിക്കവെയാണ് അദ്ദേഹത്തിന്റെ പ്രസ്‌താവന.
“ദേശസുരക്ഷയുടെ ഉമ്മാക്കി കാട്ടി സർക്കാരിന്റെ എല്ലാ നടപടികളെയും ന്യായീകരിക്കരുത്. കാരണം വ്യക്‌തമാക്കാതെ മീഡിയ വൺ ചാനൽ വിലക്കിയത് ഭരണകൂട ഭീകരതയാണ്. ഭരണഘടനയെ തള്ളിക്കളഞ്ഞ് കോടതി മനുസ്‌മൃതിയും മറ്റും പരിഗണിക്കുന്നു. ഭരണഘടന ഉയർത്തിപ്പിടിക്കാതെ മനുസ്‌മൃതി അടിസ്‌ഥാനമാക്കി കോടതികൾ കേന്ദ്രത്തിന് അനുകൂല വിധി നൽകുകയാണ്,”- എംഎ ബേബി കുറ്റപ്പെടുത്തി.
Most Read: യുക്രൈനിൽ നിന്ന് 50 ലക്ഷം പേർ വരെ പാലായനം ചെയ്‌തേക്കും; യുഎൻ
