ബ്യൂണസ് ഐറിസ്: ലോകകപ്പ് ഫുട്ബോൾ യോഗ്യതാ മൽസരത്തിൽ അർജന്റീനയ്ക്ക് തകർപ്പൻ ജയം. സൂപ്പർ താരം ലയണൽ മെസിയുടെ ഹാട്രിക് കരുത്തിൽ ബൊളീവിയയെ എതിരില്ലാതെ മൂന്ന് ഗോളുകൾക്കാണ് അർജന്റീന കീഴടക്കിയത്. 14, 64, 88 മിനിറ്റുകളിൽ ആയിരുന്നു ഗോൾവേട്ട.
ഇതോടെ ഹാട്രിക് നേടിയ മെസി ഗോൾ നേട്ടത്തിൽ പെലെയുടെ റെക്കോർഡ് മറികടന്നിരിക്കുകയാണ്. ലാറ്റിൻ അമേരിക്കൻ രാജ്യങ്ങളിൽ ദേശീയ ടീമിനായി കൂടുതൽ ഗോൾ നേടിയ കളിക്കാരനെന്ന റെക്കോർഡ് ആണ് മെസി സ്വന്തമാക്കിയിരിക്കുന്നത്. പെലെയുടെ സമ്പാദ്യം 77 ഗോളുകൾ ആണെങ്കിൽ മെസിയുടേത് 79ൽ എത്തി. ദേശീയ കുപ്പായത്തിൽ മെസിയുടെ ഏഴാം ഹാട്രിക്കിന് കൂടിയാണ് ആരാധകർ സാക്ഷിയായത്.
അതേസമയം, ലാറ്റിൻ അമേരിക്കൻ റൗണ്ടിൽ വിജയം നേടിയ ബ്രസീൽ പെറുവിനെ എതിരില്ലാതെ രണ്ട് ഗോളുകൾക്കാണ് തോൽപിച്ചത്. നെയ്മർ ഫോമിലേക്ക് മടങ്ങിയെത്തിയതോടെ വിജയത്തുടർച്ചയാണ് ബ്രസീലിനെ കാത്തിരുന്നത്. 14ആം മിനിറ്റിൽ എവര്ട്ടന് റിബൈറോയുടെ ഗോളില് ബ്രസീല് മുന്നിലെത്തി. നെയ്മറുടേതായിരുന്നു അസിസ്റ്റ്. പിന്നാലെ 40ആം മിനിറ്റിൽ ഗോളടിച്ച് നെയ്മര് മൽസരം സ്വന്തം പേരിലെഴുതി. ലോകകപ്പ് യോഗ്യതാ റൗണ്ടിൽ ബ്രസീലിന്റെ തുടർച്ചയായ എട്ടാം ജയമാണിത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
