ബെംഗളൂരു: കർണാടകയിലെ ധാർവാഡിൽ മിനിബസും ടിപ്പറും കൂട്ടിയിടിച്ച് 11 മരണം. വെള്ളിയാഴ്ച രാവിലെ ഇത്തിഗട്ടിക്ക് സമീപം ഹുബ്ളി-ധാർവാഡ് ബൈപാസ് റോഡിലാണ് അപകടം നടന്നത്. 10 സ്ത്രീകളും ടിപ്പർ ഡ്രൈവറുമാണ് അപകടത്തിൽ മരിച്ചത്. പരിക്കേറ്റ 6 പേരെ ഹുബ്ളിയിലെ കിംസ് ആശുപത്രിയിൽ പ്രവേശിപ്പിച്ചു. ഇതിൽ 5 പേരുടെ ആരോഗ്യനില ഗുരുതരമാണെന്ന് പോലീസ് അറിയിച്ചു.
അവധിക്കാലം ആഘോഷിക്കാനായി ഗോവയിലേക്ക് വനിതാ ക്ളബ് അംഗങ്ങളുമായി പോയ മിനിബസാണ് അപകടത്തിൽപ്പെട്ടത്. അപകട കാരണം സംബന്ധിച്ച് അന്വേഷണം നടത്തുമെന്ന് പോലീസ് പറഞ്ഞു.
Read also: 24 മണിക്കൂറിനിടെ രാജ്യത്ത് 15,590 പുതിയ കോവിഡ് രോഗികൾ; 191 മരണം