ചെന്നൈ: കോവിഡ് വ്യാപനം ശക്‌തമായതോടെ തമിഴ്‌നാട്ടിൽ നാളെ മുതൽ ലോക്ക്ഡൗണിന് സമാനമായ നിയന്ത്രണങ്ങൾ. തീയേറ്റർ, ജിംനേഷ്യം, ഓഡിറ്റോറിയം, ബാറുകൾ എന്നിവയെല്ലാം അടച്ചിടും.
കല്യാണത്തിന് 50 പേർക്ക് മാത്രമേ പങ്കെടുക്കാനാകൂ. മരണാനന്തര ചടങ്ങിന് 25 പേർക്ക് മാത്രമാകും പ്രവേശനം. സിനിമാ ഷൂട്ടിങ്ങടക്കമുള്ളവക്കും നിയന്ത്രണമുണ്ട്. ചെന്നൈയിൽ ഉൾപ്പടെ ഇന്ന് സമ്പൂർണ കർഫ്യൂവാണ്.
അതേസമയം കോവിഡ് ചികിൽസാ സൗകര്യം കൂട്ടാനുള്ള നടപടികളും സർക്കാർ പ്രഖ്യാപിച്ചിട്ടുണ്ട്. അടിയന്തര ഓക്‌സിജൻ ആവശ്യങ്ങൾക്കടക്കം 24 മണിക്കൂർ ഹെൽപ്പ്ലൈൻ നമ്പർ ഏർപ്പെടുത്തിയിട്ടുണ്ട്. 104 എന്ന നമ്പറിലാകും അടിയന്തര സേവനം ലഭ്യമാകുക. സംസ്‌ഥാനത്ത് ഓക്‌സിജൻ നിർമ്മാണവും വർധിപ്പിച്ചു.
Read Also: കേരളത്തിൽ പ്രാണവായു മുടങ്ങില്ലെന്ന ധൈര്യത്തിൽ കേന്ദ്രത്തെ ന്യായീകരിക്കാം; എംബി രാജേഷ്
