തിരുവനന്തപുരം: പുതിയ ബാർ ലൈസൻസ് അനുവദിക്കാനുള്ള നടപടികളുമായി എക്‌സൈസ് കമ്മീഷണർ മുന്നോട്ടുപോയത് സർക്കാർ നിർദ്ദേശം മറികടന്നെന്ന് വിവരം. പുതിയ മദ്യനയം നിലവിൽ വന്നശേഷം മാത്രം ലൈസൻസ് അനുവദിച്ചാൽ മതിയെന്നായിരുന്നു സർക്കാരിന്റെ നിലപാട്.
എന്നാൽ, ഈ നിർദ്ദേശം മറികടന്ന് ലൈസൻസ് അനുവദിക്കാനുള്ള നടപടികളുമായി കമ്മീഷണർ മുന്നോട്ടുപോയെന്നാണ് വിവരം. സംഭവത്തിൽ എക്‌സൈസ് മന്ത്രി എം. ലിജു വിശദമായ റിപ്പോർട് തേടിയിട്ടുണ്ട്. തുടർച്ചയായി ഉണ്ടാകുന്ന വിവാദങ്ങളിലും വകുപ്പ് അറിയാതെ എടുക്കുന്ന തീരുമാനങ്ങളിലും മന്ത്രി അതൃപ്‌തിയുണ്ട്. ഡെപ്യൂട്ടി കമ്മീഷണർമാർക്ക് അനുകൂലമായി റിപ്പോർട് നൽകിയതിലും മന്ത്രി അതൃപ്‌തി രേഖപ്പെടുത്തിയെന്നാണ് വിവരം.
യുഡിഎഫ് സർക്കാർ അധികാരത്തിൽ വന്നശേഷമാണ് കോട്ടയത്തെ ഒരു ബാറിനും എറണാകുളത്തെ രണ്ട് ബാറുകൾക്കും എക്‌സൈസ് ഡെപ്യൂട്ടി കമ്മീഷണർ തരംമാറ്റി ബാർ ലൈസൻസ് അനുവദിച്ചത്. ജൂൺ അംശത്തിൽ അനുവദിച്ച ഈ ലൈസൻസുകളിൽ വിശദീകരണം തേടുകയും അപേക്ഷകളിലെ നീക്കങ്ങളെ കുറിച്ച് അന്വേഷണം നടത്തുകയും ചെയ്യും.
നിലവിലെ ചട്ടങ്ങൾ അനുസരിച്ചു പത്തുമുതൽ 13 വർഷം വരെ ബിയർ പാർലറായി പ്രവർത്തിച്ച സ്‌ഥാപനങ്ങൾക്ക്‌ യാതൊരുവിഷ പരിശോധനകളും നടത്താതെ തന്നെ 24 മണിക്കൂറിനുള്ളിൽ എഫ്എൽ 11ൽ നിന്ന് എഫ്എൽ 3 (ബാർ) ആക്കി മാറ്റാൻ ഡെപ്യൂട്ടി കമ്മീഷണർക്ക് അധികാരമുണ്ട്. കൂടാതെ, എയർപോർട്ട് ലോഞ്ചുകളിലെ ബാറുകൾ ഉൾപ്പടെയുള്ളവ അനുവദിച്ച എക്‌സൈസ് കമ്മീഷണർമാർക്കും അധികാരമുണ്ട്.
എന്നാൽ, സർക്കാരിന്റെ പ്രത്യേക നിർദ്ദേഹസം നിലനിൽക്കെ ഇത്തരത്തിൽ പരിശോധനകളില്ലാതെ ലൈസൻസ് നൽകിയതിൽ പാളിച്ചയുണ്ടെന്ന് മന്ത്രി വ്യക്‌തമാക്കി. എക്‌സൈസ് കമ്മീഷണർക്കും ഡെപ്യൂട്ടി കമ്മീഷണർക്കും ലൈസൻസുകൾ നേരിട്ട് അനുവദിച്ച നിലവിലുള്ള നിയമപരമായ പഴുതുകൾ ദുരുപയോഗം ചെയ്യുന്നത് തടയാൻ അബ്‌കാരി ചട്ടങ്ങൾ ഭേദഗതി ചെയ്യുന്നത് സർക്കാറിന്റെ പരിഗണയിലാണെന്ന് മന്ത്രി പറഞ്ഞു.
കൃത്യമായ നടപടിക്രമങ്ങൾ പാലിച്ചുതന്നെ സിസ്‌റ്റം തിരുത്താനാണ് സർക്കാർ ഉദ്ദേശിക്കുന്നതെന്നും താഴെത്തട്ടിലുള്ള ഉദ്യോഗസ്‌ഥരുടെ അധികാരപരിധി വ്യക്‌തമായി നിർവചിക്കുമെന്നും മന്ത്രി അറിയിച്ചു. അസിസ്‌റ്റന്റ്‌ ചീഫ് സെക്രട്ടറി സർക്കാരിന്റെ നയം അറിയിച്ചതിന് ശേഷവും ഇത്തരം നടപടികൾ ഉണ്ടായിട്ടുണ്ടോ എന്ന് അന്വേശിച്ച് റിപ്പോർട് സമർപ്പിച്ച ശേഷം കമ്മീഷണറെ മാറ്റുന്നത് ഉൾപ്പടെയുള്ള കാര്യങ്ങളിൽ തീരുമാനമെടുക്കുമെന്നും മന്ത്രി കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
