താനെ: സ്വകാര്യ വീഡിയോ കാണിച്ചു ഭീഷണിപ്പെടുത്തി പ്രായപൂർത്തി ആകാത്ത പെൺകുട്ടിയെ മാസങ്ങളോളം കൂട്ട ബലാൽസംഗത്തിന് ഇരയാക്കി. മഹാരാഷ്ട്രയിലാണ് ആൺ സുഹൃത്ത് പകർത്തിയ സ്വകാര്യ ദൃശ്യങ്ങൾ കാണിച്ച് പെൺകുട്ടിയെ പീഡനത്തിന് ഇരയാക്കിയത്. സംഭവത്തിൽ 29 പ്രതികൾ മഹാരാഷ്ട്രയിലെ താനെയിൽ അറസ്റ്റിലായി.
കഴിഞ്ഞ ജനുവരി മുതലാണ് പെൺകുട്ടി പീഡനത്തിന് ഇരയായത്. ഒൻപതാം ക്ളാസിൽ പഠിക്കുന്ന പെൺകുട്ടിക്ക് നേരെ ആൺ സുഹൃത്ത് ലൈംഗിക അതിക്രമം നടത്തുകയും, തുടർന്ന് അത് ഫോണിൽ ചിത്രീകരിക്കുകയും ചെയ്തിരുന്നു. പിന്നീട് ഈ ദൃശ്യങ്ങൾ സുഹൃത്തുക്കളുടെ കയ്യിൽ കിട്ടിയതോടെയാണ് ഇവരും പെൺകുട്ടിയെ ഭീഷണിപ്പെടുത്തി പീഡനത്തിന് ഇരയാക്കാൻ തുടങ്ങിയത്.
ഒടുവിൽ 29 പേർക്കെതിരെ പെൺകുട്ടി പോലീസിൽ പരാതി നൽകുകയായിരുന്നു. അറസ്റ്റ് ചെയ്ത പ്രതികളിൽ 2 പേർ പ്രായപൂർത്തി ആകാത്തവരാണ്. കൂടാതെ എല്ലാവരും 16നും 23നും ഇടയിൽ പ്രായമുള്ളവരാണെന്നും പോലീസ് വ്യക്തമാക്കി. സംഭവത്തിൽ പ്രത്യേക അന്വേഷണ സംഘത്തെ നിയോഗിച്ച് കേസന്വേഷണം പുരോഗമിക്കുകയാണെന്നും പോലീസ് കൂട്ടിച്ചേർത്തു.
Read also: പോലീസിന്റെ പെരുമാറ്റ ചട്ടം; പ്രത്യേക പരിശീലനം നൽകും