തിരുവനന്തപുരം : സംസ്ഥാനത്തിന് 3,78,690 ഡോസ് കോവിഷീല്‍ഡ് വാക്‌സിന്‍ കൂടി ലഭ്യമായതായി ആരോഗ്യവകുപ്പ് മന്ത്രി വീണ ജോര്‍ജ്. ഇതിൽ 1,48,690 ഡോസ് വാക്‌സിൻ കൊച്ചിയിലും, 1,01,500 ഡോസ് വാക്‌സിൻ കോഴിക്കോടും എത്തിയിട്ടുണ്ട്. കൂടാതെ തിരുവനന്തപുരത്തേക്കുള്ള 1,28,500 ഡോസ് വാക്‌സിന്‍ ഇന്ന് രാത്രിയോടെ എത്തുമെന്നും മന്ത്രി വ്യക്‌തമാക്കി.
ഇന്ന് കേരളത്തിലെത്തിയ വാക്‌സിൻ ഡോസുകൾ കൂടിയായപ്പോൾ ആകെ 1,41,58,890 ഡോസ് വാക്‌സിനാണ് സംസ്ഥാനത്തിന് ലഭ്യമായത്. ഇതില്‍ 12,04,960 ഡോസ് കോവിഷീല്‍ഡും, 1,37,580 ഡോസ് കൊവാക്‌സിനും ഉള്‍പ്പടെ ആകെ 13,42,540 ഡോസ് വാക്‌സിനാണ് സംസ്‌ഥാനം വാങ്ങിയത്. അതേസമയം 1,14,53,120 ഡോസ് കോവിഷീല്‍ഡ് വാക്‌സിനും, 13,63,230 ഡോസ് കൊവാക്‌സിനും ഉള്‍പ്പടെ ആകെ 1,28,16,350 ഡോസ് വാക്‌സിനാണ് കേന്ദ്രം നൽകിയത്.
സംസ്‌ഥാനത്ത് ഒന്നും രണ്ടും ഡോസ് ചേര്‍ത്ത് 1,51,18,109 പേര്‍ക്കാണ് ഇതുവരെ വാക്‌സിന്‍ വിതരണം ചെയ്‌തത്‌. അതില്‍ 1,13,54,565 പേര്‍ക്ക് ഒന്നാം ഡോസ് വാക്‌സിനും, 37,63,544 പേര്‍ക്ക് രണ്ടാം ഡോസ് വാക്‌സിനും നല്‍കിയിട്ടുണ്ടെന്നും മന്ത്രി വ്യക്‌തമാക്കി.
Read also : സ്‌റ്റാൻ സ്വാമിയുടെ മരണത്തിൽ ജുഡീഷ്യൽ അന്വേഷണം വേണം; നിരാഹാരവുമായി സഹതടവുകാർ
