കൊച്ചി: സംസ്ഥാന പഞ്ചഗുസ്തി മൽസരത്തിൽ മെഡൽ നേട്ടവുമായി അമ്മയും മകളും. കൂത്താട്ടുകുളം കോഴിപ്പിള്ളി ഉപ്പാനായിൽ പുത്തൻപുരയിൽ സുനിത ബൈജു സ്വർണമെഡൽ നേടിയപ്പോൾ മകൾ അർച്ചന വെങ്കല മെഡലുകൾ കരസ്ഥമാക്കി.
തൃശൂർ വികെഎൻ മേനോൻ ഇൻഡോർ സ്റ്റേഡിയത്തിൽ നടന്ന സംസ്ഥാന പഞ്ചഗുസ്തി മൽസരത്തിൽ എറണാകുളം ജില്ലയെ പ്രതിനിധീകരിച്ചാണ് ഇരുവരും പങ്കെടുത്തത്. 70 കിലോഗ്രാം സീനിയർ വിഭാഗത്തിൽ ഇടതു കൈക്കും വലതുകൈക്കും സുനിത സ്വർണമെഡൽ നേടി. ജൂനിയർ വിഭാഗം പെൺകുട്ടികളുടെ മൽസരത്തിൽ 70 കിലോഗ്രാം പ്ളസ് ഇടതുകൈ വിഭാഗത്തിലും വലതുകൈ വിഭാഗത്തിലും അർച്ചന വെങ്കല മെഡൽ നേടി.
അടുത്ത വർഷം ഫെബ്രുവരിയിൽ ഹൈദരാബാദിൽ നടക്കുന്ന ദേശീയ മൽസരത്തിൽ ഇവർ പങ്കെടുക്കും. അർച്ചന കൂത്താട്ടുകുളം ഹയർ സെക്കണ്ടറി സ്കൂളിൽ പത്താം ക്ളാസ് വിദ്യാർഥിനിയാണ്. സുനിത ബൈജു 2013ൽ പഞ്ചാബിൽ നടന്ന ലോക പഞ്ചഗുസ്തി ചാമ്പ്യൻഷിപ്പിൽ വെള്ളിമെഡൽ നേടിയിരുന്നു. 2013ലെ ലോക ചാമ്പ്യനാണ് അർച്ചനയുടെ അച്ഛൻ ബൈജു.
Most Read: കുട്ടിക്കുരങ്ങൻ തിരികെ ജീവിതത്തിലേക്ക്; പ്രഭുവിന്റെ പ്രാണവായുവിലൂടെ