കോഴിക്കോട്: സംസ്ഥാനത്ത് നിപ ഭീതിയിൽ ആശ്വാസം. പരിശോധനക്കയച്ച അഞ്ച് സാമ്പിളുകൾ കൂടി നെഗറ്റീവായി. ഇതോടെ 30 സാമ്പിളുകള് പരിശോധിച്ചതില് മുഴുവന് സാമ്പിളുകളും നെഗറ്റീവാണ്. ഇനി 21 സാമ്പിളുകള് കൂടി പരിശോധനക്ക് അയച്ചിട്ടുണ്ടെന്നും ഫലം വരാനുണ്ടെന്നും ആരോഗ്യമന്ത്രി വീണാ ജോർജ് അറിയിച്ചു.
68 ആളുകളാണ് കോഴിക്കോട് മെഡിക്കല് കോളേജിൽ നിരീക്ഷണത്തില് കഴിയുന്നത്. പത്ത് പേരെ ഇന്നലെ രാത്രിയോടെ പ്രവേശിപ്പിച്ചതാണ്. രോഗലക്ഷണങ്ങൾ ഉള്ളവരുടെ ആരോഗ്യസ്ഥിതി മെച്ചപ്പെട്ടതാണെന്നും ആശങ്കപ്പെടേണ്ട സാഹചര്യമില്ലെന്നും മന്ത്രി പറഞ്ഞു. എന്ഐവിയുടെ പ്രത്യേക ടീം രണ്ട് ദിവസത്തിനകം കേരളത്തില് എത്തുമെന്നും മന്ത്രി വീണാ ജോർജ് അറിയിച്ചു.
Also Read: ‘മുഖ്യമന്ത്രി പിതൃതുല്യൻ, ശാസിക്കാനും തിരുത്താനും അവകാശമുണ്ട്’; കെടി ജലീൽ