കോഴിക്കോട് : ജില്ലയിലെ കൂരാച്ചുണ്ടിലുള്ള സ്വകാര്യ ഫാമിലെ കോഴികൾ കൂട്ടത്തോടെ ചത്തത് പക്ഷിപ്പനി കാരണമല്ലെന്ന് സ്ഥിരീകരിച്ചു. കോഴികൾ കൂട്ടത്തോടെ ചത്തത് പക്ഷിപ്പനി ആണെന്ന സംശയത്തിൽ ഫാമിൽ നിന്നും സാമ്പിളുകൾ പരിശോധനക്ക് അയച്ചിരുന്നു. തുടർന്ന് ഭോപ്പാലിലെ ലാബിൽ അയച്ച സാമ്പിളുകൾ നെഗറ്റീവ് ആയതോടെയാണ് പക്ഷിപ്പനി അല്ലെന്ന സ്ഥിരീകരണത്തിൽ എത്തിയത്.
കഴിഞ്ഞ ശനിയാഴ്ചയാണ് കൂരാച്ചുണ്ടിലെ സ്വകാര്യ ഫാമിൽ 300 കോഴികൾ കൂട്ടത്തോടെ ചത്തത്. തുടർന്നാണ് പക്ഷിപ്പനി ആണെന്ന സംശയത്തിൽ സാമ്പിളുകൾ പരിശോധനക്ക് അയച്ചത്. നേരത്തെ കേരളത്തിലെ ലാബിൽ പരിശോധിച്ച രണ്ട് സാമ്പിളുകളിൽ ഒരെണ്ണം പോസിറ്റീവ് ആയിരുന്നു. തുടർന്ന് മുൻകരുതൽ നടപടിയായി ഫാമിന്റെ 10 കിലോമീറ്റർ പരിസരം നിരീക്ഷണത്തിൽ ആക്കിയിരുന്നു. എന്നാൽ ഭോപ്പാലിലെ ലാബിൽ നടത്തിയ പരിശോധനയിലാണ് ഇപ്പോൾ പക്ഷിപ്പനി അല്ലെന്ന് സ്ഥിരീകരിച്ചത്.
Read also : പലസ്തീന് രാഷ്ട്രീയ പിന്തുണ; അള്ജീരിയന് താരം ഒളിംപിക്സില് നിന്ന് പിന്മാറി