ന്യൂഡെൽഹി: നികുതി റീഫണ്ടിനായി നികുതി ദായകന് ഇനി വർഷങ്ങളോളം കാത്തിരിക്കേണ്ടതില്ലെന്ന് പ്രധാനമന്ത്രി നരേന്ദ്രമോദി. രാജ്യം നികുതി ഭീകരതയിൽ നിന്ന് നികുതി സുതാര്യതയിലേക്കാണ് നീങ്ങുന്നതെന്ന് പ്രധാനമന്ത്രി വ്യക്തമാക്കി. ഒഡീഷ കട്ടക്കിലെ ഇൻകം ടാക്സ് അപ്പലേറ്റ് ട്രിബ്യൂണലിന്റെ (ഐടിടി) ഓഫീസ് ഉൾപ്പടെയുള്ള റെസിഡൻഷ്യൽ കോംപ്ളക്സ് ഉൽഘാടനം ചെയ്യുകയായിരുന്നു അദ്ദേഹം.
Also Read: ഇന്നത്തെ തോല്വി നാളെ ഗുണമാകും; ചിരാഗ് പാസ്വാന്
അഞ്ച് ലക്ഷം വരെ വരുമാനമുള്ളവർ നികുതി അടക്കേണ്ടതില്ലെന്ന തീരുമാനം താഴ്ന്ന വരുമാനക്കാരെ ഏറെ സഹായിക്കുന്നുണ്ട്. മാത്രമല്ല, കോർപറേറ്റ് നികുതിയുടെ കാര്യത്തിലും കാര്യമായ കുറവ് വരുത്തിയിട്ടുണ്ടെന്ന് അദ്ദേഹം പറഞ്ഞു. രാജ്യം നികുതി നൽകുന്നവരുടെ അവകാശങ്ങളും ഉത്തരവാദിത്തങ്ങളും തിരിച്ചറിയുന്നുണ്ടെന്ന് അദ്ദേഹം പറയുന്നു. നികുതിദായകരിൽ വിശ്വാസം ഉണ്ടാക്കാനുള്ള ശ്രമത്തിലാണ് സർക്കാരെന്നും അദ്ദേഹം കൂട്ടിച്ചേർത്തു.