ന്യൂഡെൽഹി: കേരളത്തിലെ കനത്ത മഴയ്‌ക്ക് കാരണം മേഘവിസ്‌ഫോടനം അല്ലെന്ന് കേന്ദ്ര കാലാവസ്‌ഥാ നിരീക്ഷണ കേന്ദ്രം ഡയറക്‌ടർ ജനറൽ ഡോ.മൃതുജ്‌ഞയ മഹാപത്ര. ന്യൂനമർദ്ദവും കാറ്റുമാണ് ശക്‌തമായ മഴയ്‌ക്ക് കാരണമായത്. കനത്ത മഴ മണ്ണിടിച്ചിലിനും കാരണമായെന്ന് അദ്ദേഹം വിശദീകരിച്ചു.
കഴിഞ്ഞ ദിവസം കേരളത്തിൽ വലിയ തോതിലുള്ള മഴയാണ് പെയ്‌തത്‌. ഇടുക്കി, എറണാകുളം, കൊല്ലം എന്നീ ജില്ലകളിലാണ് കൂടുതൽ മഴ പെയ്‌തത്‌. 29 സെന്റിമീറ്റർ വരെയാണ് ഈ ജില്ലകളിൽ പെയ്‌ത മഴ. നേരത്തെ കോട്ടയം ജില്ലയിലെ കൂട്ടക്കലിൽ ഉരുൾപൊട്ടൽ ഉണ്ടാകാൻ കാരണം ലഘു മേഘവിസ്‌ഫോടനമാണെന്ന് കൊച്ചി സര്‍വകലാശാല അന്തരീക്ഷ പഠന കേന്ദ്രം വ്യക്‌തമാക്കിയിരുന്നു. ഇതിന് പിന്നാലെയാണ് കനത്ത മഴയുടെ കാരണം വ്യക്‌തമാക്കി കാലാവസ്‌ഥാ കേന്ദ്രം മേധാവി രംഗത്തെത്തിയത്.
ഇന്ന് ന്യൂനമർദ്ദത്തിന്റെ ശക്‌തി കുറഞ്ഞു. കനത്ത മഴയുടെ തോതും കുറയുമെന്നാണ് റിപ്പോർട്ടുകൾ വ്യക്‌തമാക്കുന്നത്‌. 18- 19 തീയതികളിൽ കേരളത്തിൽ കനത്ത മഴ പ്രതീക്ഷിക്കുന്നില്ല. സംസ്‌ഥാനത്തെ കാലാവസ്‌ഥയിലും വലിയ മാറ്റം ഉണ്ടായിട്ടുണ്ട്. ഇന്ന് മുതൽ കനത്ത മഴയ്‌ക്ക് ശമനം ഉണ്ടാകുമെങ്കിലും മഴ തുടരും. കനത്ത മഴയെ നേരിടാൻ കേരളം മുൻകരുതൽ സ്വീകരിക്കണമെന്നും ഡോ.മൃതുജ്‌ഞയ മഹാപത്ര നിർദ്ദേശിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
