തിരുവനന്തപുരം: സഭയെ അവഹേളിച്ചു എന്ന് ചൂണ്ടിക്കാട്ടി കസ്റ്റംസിന് നോട്ടീസ് അയച്ച് നിയമസഭാ എത്തിക്സ് ആന്റ് പ്രിവിലേജ് കമ്മിറ്റി. ചട്ടലംഘനം ശ്രദ്ധയിൽ പെടുത്തിയപ്പോൾ കസ്റ്റംസ് നിയമസഭക്ക് നൽകിയ മറുപടി സഭയെ അവഹേളിക്കുന്നതാണ് എന്ന് നോട്ടീസിൽ പറയുന്നു. മറുപടി മാദ്ധ്യമങ്ങൾക്ക് ചോർത്തി നൽകിയതും സഭയെ അവഹേളിക്കുന്നതാണ് എന്നും നോട്ടീസിൽ പറയുന്നുണ്ട്.
രാജു എബ്രഹാം നൽകിയ കത്തിന്റെ അടിസ്ഥാനത്തിലാണ് നിയമസഭാ എത്തിക്സ് ആന്റ് പ്രിവിലേജ് കമ്മിറ്റിയുടെ നടപടി. സ്പീക്കറുടെ അഡീഷണൽ പ്രൈവറ്റ് സെക്രട്ടറിക്ക് കസ്റ്റംസ് നോട്ടീസ് നൽകിയിരുന്നു. ആദ്യം നൽകിയ നോട്ടീസിലെ ചട്ടലംഘനം നിയമസഭാ സെക്രട്ടറിയേറ്റ് കസ്റ്റംസിന്റെ ശ്രദ്ധയിൽ പെടുത്തി. ഇതിന് നൽകിയ മറുപടിയാണ് വീണ്ടും നോട്ടീസ് നൽകാൻ ഇടയാക്കിയത്. സഭാ ചട്ടങ്ങളെ കസ്റ്റംസ് തെറ്റായി വ്യാഖ്യാനിച്ചുവെന്ന് നോട്ടീസില് പറയുന്നു.
Also Read: അട്ടിമറിക്ക് ശ്രമം; എറണാകുളത്ത് സിപിഎം- ട്വന്റി 20 രഹസ്യ ധാരണയെന്ന് പിടി തോമസ്