മസ്‌ക്കറ്റ്: താൽകാലിക തൊഴിൽ പെർമിറ്റുകൾ അനുവദിക്കുന്നത് സംബന്ധിച്ച് പുതിയ ഉത്തരവ് പുറത്തിറക്കി ഒമാൻ. 4, 6, 9 എന്നീ കാലയളവുകളിലേക്കാണ് താൽകാലിക പെർമിറ്റ് അവതരിപ്പിക്കുക. വിദേശ തൊഴിലാളികളെ ജോലിക്ക് എടുക്കേണ്ടത് അത്യാവശ്യമായ സാഹചര്യത്തിൽ മാത്രമാണ് ഇതിന് അനുമതി നൽകുക.
ഉയർന്ന തസ്‌തികകളിലേക്കുള്ള താൽകാലിക തൊഴിൽ പെർമിറ്റുകൾക്ക് 4 മാസത്തേക്ക് 336 റിയാലും 6 മാസത്തേക്ക് 502 റിയാലും 9 മാസത്തേക്ക് 752 റിയാലും നൽകണം. മിഡിൽ തസ്‌തികകളിൽ 4 മാസത്തേക്ക് 169 റിയാലും 6 മാസത്തേക്ക് 252 റിയാലും 9 മാസത്തേക്ക് 377 റിയാലും നൽകണം. ടെക്‌നിക്കൽ, സ്‌പെഷ്യലൈസ്‌ഡ്‌ തസ്‌തികകളിൽ 4 മാസത്തേക്ക് 101 റിയാൽ, 6 മാസത്തേക്ക് 151 റിയാൽ, 9 മാസത്തേക്ക് 226 റിയാൽ എന്നിങ്ങനെയാണ് നിരക്കുകൾ.
തൊഴിൽ പെർമിറ്റ് ഫീസ് വർധനവിന്റെ വിശദ വിവരങ്ങളും തൊഴിൽ മന്ത്രാലയം പുറത്തുവിട്ട ഉത്തരവിലുണ്ട്. എന്നാൽ ഈ രണ്ട് തീരുമാനങ്ങളും 3 മാസങ്ങൾക്ക് ശേഷമാകും പ്രാബല്യത്തിൽ വരിക.
Read also: തോട്ടത്തിൽ ടെക്‌സ്‌റ്റൈൽസ് ഉടമ ‘തോട്ടത്തിൽ റഷീദ്’ നിര്യാതനായി
