പാലക്കാട്: ജില്ലയില് 118 പേര്ക്ക് കൂടി കോവിഡ് സ്ഥിരീകരിച്ചു. ഇതില് 73 പേര്ക്ക് സമ്പര്ക്കം വഴിയാണു രോഗബാധ. 35 പേരുടെ രോഗ ഉറവിടം വ്യക്തമല്ല. വിദേശത്തു നിന്നെത്തിയ ഒരു വ്യക്തിയും ഇതര സംസ്ഥാനങ്ങളില് നിന്നും വന്ന 9 പേരും രോഗബാധിതരില് ഉള്പ്പെടുന്നു.
കര്ണാടകയില് നിന്നെത്തിയ 4 പേര്ക്കാണ് രോഗം. ഇവരില് 3 പേര് പെരുമാട്ടി സ്വദേശികളാണ്. 5,9 വയസുള്ള പെണ്കുട്ടികള്ക്കും 33 വയസുള്ള ഒരു സ്ത്രീക്കുമാണ് രോഗബാധ. ഗുജറാത്തില് നിന്നെത്തിയ ഒരാളും സൗദി അറേബ്യയില് നിന്നെത്തിയ ഒരാളും രോഗം സ്ഥിരീകരിച്ചവരുടെ കൂട്ടത്തില് ഉള്പ്പെടുന്നു.
ഇതോടെ ജില്ലയില് രോഗം ബാധിച്ചവരുടെ ആകെ എണ്ണം 5,205 ആയി. ഇതില് 4,504 പേര് രോഗമുക്തി നേടി. നിലവില് 846 പേരാണ് ചികിത്സയിലുള്ളത്. 2357 സാമ്പിളുകളുടെ പരിശോധനാഫലം ലഭിക്കാനുണ്ട്.