പാറ്റ്ന: ജന് അധികാര് നേതാവും മുന് എംപിയുമായ പപ്പു യാദവിനെ അറസ്റ്റ് ചെയ്തതായി റിപ്പോര്ട്. കോവിഡ് പ്രോട്ടോക്കോള് ലംഘിച്ചതിന്റെ പേരിലാണ് നടപടി. സുരക്ഷാ മാനദണ്ഡങ്ങള് പാലിക്കാതെ വീടിനു പുറത്തിറങ്ങുകയും ജനങ്ങളുമായി സമ്പര്ക്കം പുലര്ത്തുകയും ചെയ്തുവെന്നാണ് പപ്പു യാദവിന് എതിരായ ആരോപണം.
എന്നാല് കഷ്ടപ്പെടുന്ന ജനങ്ങളെ സഹായിക്കാനാണ് താൻ പുറത്തിറങ്ങിയത് എന്നാണ് യാദവിന്റെ വിശദീകരണം. ‘കോവിഡ് കാലത്ത് ജനങ്ങളെ സഹായിക്കുക എന്നത് വലിയ തെറ്റാണെങ്കില് എന്നെ ക്രിമിനല് ആയി മുദ്രകുത്തിക്കോളൂ. എന്നാല് അന്ത്യം വരെ ഞാന് പാവപ്പെട്ടവരെ സഹായിക്കുക തന്നെ ചെയ്യും’, അറസ്റ്റിന് മുൻപ് പപ്പു യാദവ് ട്വീറ്റ് ചെയ്തു. കൂടാതെ രാഷ്ട്രീയ ഗൂഢാലോചനയുടെ ഭാഗമായി, തന്നെ കുടുക്കുകയാണെന്നും യാദവ് ആരോപിച്ചു.
Read also: കേരളത്തിലെ കോവിഡ് വ്യാപനത്തിന് കോൺഗ്രസ് റാലികൾ കാരണമായി; സോണിയക്ക് മറുപടിയുമായി നഡ്ഡ