കോട്ടയം: നിയമസഭാ തിരഞ്ഞെടുപ്പില് യുഡിഎഫ് മികച്ച വിജയം നേടുമെന്ന് മുന് മുഖ്യമന്ത്രിയും പുതുപ്പള്ളി സ്ഥാനാർഥിയുമായ ഉമ്മൻചാണ്ടി. വലിയ പ്രതീക്ഷ ഇല്ലാത്ത മണ്ഡലങ്ങളില് പോലും പ്രവര്ത്തകര് വലിയ ആവേശത്തിലാണ്. ആരാണ് ക്യാപ്റ്റനെന്ന് ജനങ്ങൾ തീരുമാനിക്കും. താൻ യുഡിഎഫിന്റെ ക്യാപ്റ്റനല്ലെന്നും ഉമ്മൻചാണ്ടി പറഞ്ഞു.
ശബരിമല വിഷയം ഉയർത്താൻ ബിജെപിക്ക് അവകാശമില്ല. അധികാരം ഉണ്ടായിട്ടും ശബരിമലയിൽ നിയമനിർമ്മാണം നടത്താൻ ബിജെപിക്ക് കഴിഞ്ഞിട്ടില്ല. യുഡിഎഫിലെ പ്രശ്നങ്ങൾ ജയത്തെ ബാധിക്കില്ലെന്നും അദ്ദേഹം പറഞ്ഞു. ജോസ് കെ മാണിയുടെ വരവ് എൽഡിഎഫിന് ഗുണം ചെയ്യില്ല. തദ്ദേശ തിരഞ്ഞെടുപ്പിൽ കോട്ടയത്ത് ഉൾപ്പടെ അത് കണ്ടതാണ്. രാഹുൽ ഗാന്ധിയുടെ പ്രചാരണം യുഡിഎഫിന് ഗുണം ചെയ്തെന്നും ഉമ്മൻ ചാണ്ടി ചൂണ്ടിക്കാട്ടി.
Read Also: ലുലു മാളിൽ തോക്ക് കണ്ടെത്തിയ സംഭവം; അന്വേഷണം പുരോഗമിക്കുന്നു