പാലക്കാട്: ചാലിശ്ശേരിയില് പത്തുവയസുകാരനെ ലൈംഗികമായി പീഡിപ്പിച്ച കേസില് പ്രതിക്ക് 33 വര്ഷവും ആറ് മാസവും തടവ് ശിക്ഷ. പൊന്നാനി കൊല്ലംപടി സ്വദേശി ഹുസൈനെ (40)യാണ് കോടതി ശിക്ഷിച്ചത്. തടവ് ശിക്ഷയ്ക്ക് പുറമേ രണ്ട് ലക്ഷം രൂപ പിഴയടക്കാനും കോടതി ഉത്തരവിട്ടു.
പട്ടാമ്പി ഫാസ്റ്റ് ട്രാക്ക് കോടതിയുടേതാണ് നടപടി. 2019ലാണ് കേസിനാസ്പദമായ സംഭവം നടക്കുന്നത്. പീഡനത്തിനിരയായ കുട്ടിയുടെ അയല്വാസിയാണ് പ്രതി. വീട്ടിലേക്കു വിളിച്ചുവരുത്തിയും കുളക്കടവിലെത്തിച്ചും പല തവണ കുട്ടിയെ ഇയാള് പീഡനത്തിന് ഇരയാക്കിയിരുന്നു.
പോലീസിന്റെ നേതൃത്വത്തില് കുട്ടികള്ക്കായി നടത്തിയ കൗണ്സിലിങ്ങിലാണ് പീഡന വിവരം വെളിപ്പെടുന്നത്. തുടര്ന്ന് പോലീസ് കേസ് രജിസ്റ്റര് ചെയ്ത് അന്വേഷണം ആരംഭിക്കുകയായിരുന്നു.
Must Read: മെഡിക്കൽ സർട്ടിഫിക്കറ്റ് ഇനി ആയുർവേദ ഡോക്ടർമാർക്കും നൽകാം; ഉത്തരവായി