അസം: നാഗോണ് പട്ടണത്തില് ജനങ്ങളോട് മാസ്ക് ധരിക്കാനും സാമൂഹിക അകലം പാലിക്കാനും ആവശ്യപ്പെട്ട പോലീസ് കോണ്സ്റ്റബിളിനെ ജനക്കൂട്ടം മര്ദ്ദിച്ചു. നാഗോണ് സദര് പോലീസ് സ്റ്റേഷനിലെ കോണ്സ്റ്റബിള് രത്തന് മുക്തിയാരെയാണ് ജനങ്ങള് കൂട്ടത്തോടെ ആക്രമിച്ചത്. സംഭവത്തില് അദ്ദേഹത്തിന്റെ മുഖത്തും ഇടത് കണ്ണിനും പരിക്കേറ്റു.
സംസ്ഥാനത്ത് കോവിഡ് രോഗികളുടെ എണ്ണം ദിനംപ്രതി വര്ധിച്ച് കൊണ്ടിരിക്കുകയാണ്. ഇതിനു വേണ്ട മുന്കരുതലുകള് സ്വീകരിക്കാന് ജനങ്ങള്ക്ക് ബോധവല്കരണം നല്കുന്നതിനായി ആരോഗ്യപ്രവര്ത്തകരും ഭരണകൂടവും പോലീസും മുന്നിലുണ്ട്. ഇത്തരമൊരു സാഹചര്യത്തിലാണ് കോവിഡ് ചട്ടം പാലിക്കണമെന്ന് ആവശ്യപ്പെട്ട പോലീസ് കോണ്സ്റ്റബിളിനെ ജനക്കൂട്ടം ആക്രമിച്ചത്.
സംഭവത്തില് നാഗോണ് സദര് പോലീസ് എഫ്ഐആര് രജിസ്റ്റര് ചെയ്തു. ആക്രമണത്തില് പങ്കുണ്ടെന്ന് ആരോപിച്ച് നാഗോണ് ജില്ലാ പോലീസ് ഒരു യുവാവിനെ പിടികൂടിയിട്ടുണ്ട്.