കൊച്ചി: മന്ത്രിപദവിയെ ചൊല്ലി എൻസിപിയിൽ തർക്കം രൂക്ഷമാകുന്ന സാഹചര്യത്തിൽ ദേശീയ ജനറൽ സെക്രട്ടറി പ്രഫുൽ പട്ടേൽ കേരളത്തിലെത്തും. പത്താം തീയതി തിരുവനന്തപുരത്ത് ചേരുന്ന സംസ്‌ഥാന നേതൃയോഗത്തിൽ പട്ടേൽ പങ്കെടുക്കും.
രണ്ടാം എൽഡിഎഫ് സർക്കാരിന്റെ മന്ത്രിസഭയിൽ എൻസിപിക്ക് ഒരു സ്‌ഥാനം ഉറപ്പാണ്. പുതുമുഖങ്ങൾക്ക് അവസരമെന്ന സിപിഐഎം നയം എൻസിപിയിലും വേണമെന്നാണ് ഒരു വിഭാഗത്തിന്റെ ആവശ്യം. കഴിഞ്ഞ തവണ അവസരം ലഭിച്ച എകെ ശശീന്ദ്രൻ മാറിനിൽക്കണമെന്നും തോമസ് കെ തോമസിന് അവസരം നൽകണമെന്നും ഇവർ ആവശ്യപ്പെടുന്നു.
എന്നാൽ, മുതിർന്ന നേതാക്കളിൽ ഒരു വിഭാഗത്തിന്റെ ശക്‌തമായ പിന്തുണ ഇപ്പോഴും ശശീന്ദ്രനാണ്. ഇതേത്തുടർന്നാണ് മുന്നണിയിൽ തർക്കം രൂക്ഷമായത്. വിഷയത്തിൽ ദേശീയ നേതൃത്വത്തിന്റെ നിലാപാടാകും നിർണായകം.
Read also: എൻസിപി മന്ത്രി ആര്? തർക്കം മുറുകുന്നു; വിഷയം കേന്ദ്ര നേതൃത്വത്തിന്റെ മുന്നിലേക്ക്
