തിരുവനന്തപുരം: കേരളത്തിലെ ഗ്രന്ഥശാലാ പ്രസ്ഥാനത്തിന്റെ പിതാവായ പിഎൻ പണിക്കരുടെ പൂർണകായ പ്രതിമ രാഷ്ട്രപതി തിരുവനന്തപുരത്ത് അനാച്ഛാദനം ചെയ്തു. പൂജപ്പുരയിൽ നടന്ന ചടങ്ങിൽ മുഖ്യമന്ത്രിയും ഗവർണറും പങ്കെടുത്തു.
കേരളത്തിലെ സമ്പൂർണ സാക്ഷരതയുടെ മുഖ്യ ശിൽപിയായിരുന്നു പിഎൻ പണിക്കർ. അദ്ദേഹത്തിന്റെ ചരമദിനം ആയ ജൂൺ 19 കേരളത്തിൽ 1996 മുതൽ വായനദിനമായി ആചരിക്കുന്നു. ജൂൺ 19 മുതൽ 25 വരെയുള്ള ഒരാഴ്ച കേരളത്തിലെ വിദ്യാഭ്യാസ വകുപ്പ് വായനവാരമായും ആചരിക്കുന്നു.
നാല് ദിവസത്തെ കേരള സന്ദർശനത്തിന്റെ ഭാഗമായാണ് രാഷ്ട്രപതി ഇന്ന് തിരുവനന്തപുരത്ത് എത്തിയത്. ചടങ്ങിനു ശേഷം രാജ്ഭവനിലേക്കു പോകുന്ന അദ്ദേഹം വൈകിട്ട് പത്മനാഭസ്വാമി ക്ഷേത്രത്തിൽ ദർശനം നടത്തും. നാളെയാണ് രാഷ്ട്രപതി ഡെൽഹിയിലേക്ക് മടങ്ങുക.
Read Also: ആലപ്പുഴ ഇരട്ടക്കൊലപാതകം; പ്രതികൾ സംസ്ഥാനം വിട്ടെന്ന് എഡിജിപി