കോട്ടയം: ആധുനിക യുഗത്തിലേക്ക് ഇന്ത്യയെ മാറ്റിയത് ജവഹര്ലാല് നെഹ്റുവാണെന്ന് മുന് മുഖ്യമന്ത്രി ഉമ്മന് ചാണ്ടി. കോട്ടയം ജില്ല കോണ്ഗ്രസ് കമ്മിറ്റി സംഘടിപ്പിച്ച ജവഹര്ലാല് നെഹ്റുവിന്റെ ജൻമവാര്ഷിക പരിപാടി ഉല്ഘാടനം ചെയ്യവെയാണ് ഉമ്മന് ചാണ്ടിയുടെ പ്രസ്താവന. അദ്ദേഹത്തിന്റെ ദീര്ഘ വീക്ഷണമാണ് രാജ്യ പുരോഗതിയുടെ അടിസ്ഥാനമെന്നും ഉമ്മന് ചാണ്ടി പറഞ്ഞു.
പണ്ഡിറ്റ് ജവഹര്ലാല് നെഹ്റുവിന്റെ 131ആം ജൻമവാര്ഷികമാണ് രാജ്യം ഇന്ന് ആഘോഷിച്ചത്. 1889 നവംബര് 14ന് ഉത്തര്പ്രദേശിലെ പ്രയാഗ് രാജില് ജനിച്ച ജവഹര്ലാല് നെഹ്റു 1964 മെയ് 27നാണ് അന്തരിച്ചത്. സ്വതന്ത്ര ഭാരതത്തിന്റെ ആദ്യ പ്രധാനമന്ത്രി എന്ന നിലയിലും വ്യവസായങ്ങളെ പ്രോല്സാഹിപ്പിച്ച ഭരണാധികാരി എന്ന നിലയിലുമാണ് നെഹ്റു ഏറെ പ്രശംസ നേടിയത്.
Read also: അധിനിവേശത്തിന് ശ്രമിക്കുന്നത് മാനസിക വൈകല്യമുള്ളവര്; ചൈനക്കെതിരെ പ്രധാനമന്ത്രി