മൂലധനത്തേക്കാൾ വലുതാണ് ജനങ്ങൾക്ക് സ്വകാര്യത; വാട്‌സാപ്പിന് നോട്ടീസയച്ച് സുപ്രീം കോടതി

By News Desk, Malabar News
Ajwa Travels

ന്യൂഡെൽഹി: ജനങ്ങളുടെ സ്വകാര്യതയാണ് പരമപ്രധാനമെന്ന് വാട്‌സാപ്പിനോട് സുപ്രീം കോടതി. ഫേസ്ബുക്കിന്റേയും വാട്‌സാപ്പിന്റെയും മൂലധനത്തേക്കാൾ വലുതാണ് ജനങ്ങൾക്ക് അവരുടെ സ്വകാര്യതയെന്ന് സുപ്രീം കോടതി ചീഫ് ജസ്‌റ്റിസ്‌ എസ്എ ബോബ്‌ഡെ നിരീക്ഷിച്ചു.

വാട്‌സാപ്പിന്റെ പുതിയ സ്വകാര്യതാ നയത്തിനെതിരായ ഹരജി പരിഗണിക്കവെയാണ് കോടതി ഇക്കാര്യം പരാമർശിച്ചത്. ഹരജിയിൽ വാട്‌സാപ്പിന് കോടതി നോട്ടീസ് അയച്ചിട്ടുണ്ട്. നാലാഴ്‌ചക്കകം മറുപടി നൽകണമെന്നാണ് നിർദ്ദേശം. അതേസമയം, പുതിയ സ്വകാര്യതാ നയം ഇന്ത്യക്ക് മാത്രമാണ് ബാധകം എന്ന വാർത്തകൾ വാട്‌സാപ് നിഷേധിച്ചു.

യൂറോപ്പ് ഒഴികെയുള്ള മറ്റെല്ലാ രാജ്യങ്ങൾക്കും പുതിയ നയം ബാധകമാണെന്നും യൂറോപ്പിന് ഡാറ്റ പ്രൈവസിയുടെ കാര്യത്തിൽ പ്രത്യേക നിയമം ഉള്ളതിനാലാണ് ഒഴിവാക്കിയതെന്നും വാട്‌സാപ് വ്യക്‌തമാക്കി. യൂറോപ്പിനെ പോലെ ഇന്ത്യയും നിയമ നിർമാണം നടത്തുകയാണെങ്കിൽ അതനുസരിച്ച് പ്രവർത്തിക്കാൻ തയാറാണെന്നും വാട്‌സാപ് കോടതിയെ അറിയിച്ചു.

Also Read: സർക്കാർ തൊഴിൽ രഹിതരെ വെല്ലുവിളിക്കുന്നു; രമേശ്‌ ചെന്നിത്തല

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE