കാസർഗോഡ്: ഐഎൻഎൽ കാസർഗോഡ് ജില്ലാ കമ്മിറ്റിയിൽ നേതാക്കൾക്കെതിരെ കൂട്ടനടപടി. ജില്ലാതല മെമ്പർഷിപ് വിതരണ ചടങ്ങിൽ പ്രതിഷേധിച്ചവർക്ക് എതിരെയാണ് നടപടി. ജില്ലാ ഭാരവാഹികളായ ഇക്‌ബാൽ മാളിക, റിയാസ് അമലടുക്കം, അമീർ കോടി ഉൾപ്പടെയുള്ളവരെ ഭാരവാഹിത്വത്തിൽ നിന്നും നീക്കി.
ഐഎന്‍എല്ലില്‍ ജനാധിപത്യപരമായ ചര്‍ച്ചകള്‍ക്ക് അവസരം നല്‍കുന്നില്ലെന്ന് പറഞ്ഞായിരുന്നു നേതാക്കളുടെ പ്രതിഷേധം. തുടര്‍ന്ന് നടത്തിയ വാര്‍ത്താ സമ്മേളനത്തില്‍ ഐഎന്‍എല്ലിനെ രക്ഷിക്കാനാണ് തങ്ങളുടെ ശ്രമമെന്ന് ഇവര്‍ പറയുകയുണ്ടായി. തങ്ങള്‍ ഇരുപക്ഷത്തുമില്ലെന്നും ഇവര്‍ വിശദീകരിച്ചു. പിന്നാലെയാണ് നേതാക്കള്‍ക്കെതിരെ നടപടിയുണ്ടായത്. ഇവരുടെ പ്രാഥമിക അംഗത്വം റദ്ദാക്കണമെന്ന് മേല്‍ഘടകത്തോട് ശുപാർശ ചെയ്‌തിരിക്കുകയാണ്.
Also Read: ഓൺലൈൻ ചതിക്കുഴികൾ പലവിധം; സംസ്‌ഥാനത്ത്‌ നടന്നത് 4 കോടിയുടെ തട്ടിപ്പ്
