മലപ്പുറം: സമസ്ത കേരള സുന്നി യുവജന സംഘം (എസ്വൈഎസ്) മലപ്പുറം ഈസ്റ്റ് ജില്ലാ കമ്മിറ്റിയുടെ ആഭിമുഖ്യത്തിൽ 78 സർക്കിൾ കേന്ദ്രങ്ങളിലൂടെ നടത്തുന്ന പ്രയാണത്തിന് തുടക്കമായി.
ജില്ലയിൽ രണ്ട് മേഖലകളിലായാണ് യാത്ര നടക്കുന്നത്. വടക്കൻ മേഖലാ പ്രയാണം ആക്കോട് സർക്കിളിലെ കൊടിയമ്മൽ ഐനുൽ ഹുദാ കാമ്പസിൽ എസ്വൈഎസ് ജില്ലാ പ്രസിഡണ്ട് സികെ അസൈനാർ സഖാഫി കുട്ടശ്ശേരിയും കിഴക്കൻ മേഖല പ്രയാണം താഴെക്കോട് സൾക്കിളിലെ അരക്കുപറമ്പ് ബദ്രിയ്യ കാമ്പസിൽ ജില്ലാ ജനറൽ സെക്രട്ടറി വിപിഎം ഇസ്ഹാഖ് തെക്കുമുറിയും ഉൽഘാടനം ചെയ്തു.
ജലസംരക്ഷണ ക്യാംപയിൻ, റംസാൻ ക്യാംപയിൻ, ഉസ്റതു ത്വയ്യിബ, സാന്ത്വന ഗ്രാമം തുടങ്ങിയ കർമ പദ്ധതികളുടെ പൂർത്തീകരണവും സംഘടനാ ശാക്തീകരണവും ലക്ഷ്യമിട്ടാണ് പ്രയാണം നടക്കുന്നത്.
ജില്ലാ ഭാരവാഹികളായ അബ്ദുറഹീം കരുവള്ളി, സികെ ശക്കീർ അരിമ്പ്ര, പിപി മുജീബ് റഹ്മാൻ എന്നിവർ വടക്കേമണ്ണ വിഷയാവതരണം നടത്തി. പി ഹംസ സഖാഫി, സൈദ് മുഹമ്മദ് അസ്ഹരി, അലി സഖാഫി, എ സിറാജ് എന്നിവർ സംസാരിച്ചു.
Most Read: ‘ലവ് ജിഹാദ്’ വിടാതെ ബിജെപി; നിരോധിക്കാൻ നിയമം വേണമെന്ന് ശോഭാ സുരേന്ദ്രൻ