ദോഹ: ഖത്തർ ഫുട്‌ബോള്‍ ലോകകപ്പിൽ ടീമുകളെ കാത്തിരിക്കുന്നത് കൈനിറയെ പണം. ടീമുകൾക്ക് ലോകകപ്പിനായി തയ്യാറെടുക്കാനും ഫിഫ പണം നൽകും. ലോകകപ്പിന് യോഗ്യത നേടിയ 32 ടീമുകൾക്കും മുന്നൊരുക്കത്തിനായി ഫിഫ നൽകുക ഒന്നര മില്യൺ ഡോളർ വീതമാണ്. ഇന്ത്യൻ രൂപയിൽ 11 കോടിയിലേറെ വരുമിത്.
ലോകകപ്പ് ജേതാക്കൾക്ക് ഇത്തവണ സമ്മാനത്തുകയായി 319 കോടി രൂപയാണ് ലഭിക്കുക. രണ്ടാം സ്‌ഥാനക്കാരെ കാത്തിരിക്കുന്നതും വമ്പൻ തുക, 227 കോടി രൂപ. മൂന്നാം സ്‌ഥാനത്ത് എത്തുന്ന ടീമിന് 205 കോടി രൂപയും നാലാം സ്‌ഥാനത്തെത്തുന്നവര്‍ക്ക് 189 കോടി രൂപയും സമ്മാനത്തുകയായി കാത്തിരിക്കുന്നു.
ക്വാർട്ടർ ഫൈനലിൽ പുറത്താവുന്ന ടീമുകൾക്ക് 129 കോടി രൂപ വീതവും പ്രീക്വാർട്ടർ ഫൈനലിൽ പുറത്താവുന്നവർക്ക് 98 കോടി രൂപ വീതവും പ്രഖ്യാപിച്ചിട്ടുണ്ട്. യോഗ്യത നേടുന്ന മറ്റ് ടീമുകൾക്ക് 68 കോടി രൂപ വീതവും സമ്മാനത്തുകയായി ഫിഫ നൽകുമെന്ന് അറിയിച്ചു കഴിഞ്ഞു.
Read Also: എൽജെഡി സംസ്‌ഥാന കമ്മിറ്റി ഇന്ന് ചേരും; ലയനം ചർച്ചയാകും
