പത്തനംതിട്ട: തിരുവല്ലയിലെ ബിലീവേഴ്സ് ചര്ച്ച് സ്ഥാപനങ്ങളിലും ചര്ച്ച് ബിഷപ്പ് കെപി യോഹന്നാന്റെ വീട്ടിലും ആദായ നികുതി വകുപ്പിന്റെ റെയ്ഡ്. വിവിധ സംസ്ഥാനങ്ങളിലെ ആദായ നികുതി വകുപ്പ് ഉദ്യോഗസ്ഥരാണ് റെയ്ഡ് നടത്തുന്നതെന്നാണ് വിവരം. ബിലീവേഴ്സ് ചര്ച്ച് സ്ഥാപനങ്ങളിലെ ജീവനക്കാരുടെ വീട്ടിലും റെയ്ഡ് നടക്കുന്നുണ്ട്.
കെപി യോഹന്നാന് നേതൃത്വം നല്കുന്ന ബിലീവേഴ്സ് ചര്ച്ച്, ഗോസ്പൽ ഫോര് ഏഷ്യ ട്രസ്റ്റ് തുടങ്ങിയ സ്ഥാപനങ്ങള് വിദേശനാണയ വിനിമയച്ചട്ടം ലംഘിച്ച് വിദേശരാജ്യങ്ങളില്നിന്ന് സംഭാവനകള് സ്വീകരിക്കുന്നതായും വന്തോതില് ഭൂമിയും വിദ്യാഭ്യാസ സ്ഥാപനങ്ങളും വാങ്ങിക്കൂട്ടുന്നുവെന്നും നേരത്തെ തന്നെ പരാതി ഉയര്ന്നിരുന്നു. അതേത്തുടര്ന്ന് 2012 ല് കെപി യോഹന്നാന് എതിരെ സംസ്ഥാന സര്ക്കാര് അന്വേഷണം പ്രഖ്യാപിക്കുകയും ചെയ്തിരുന്നു.
Read also: കസ്റ്റഡി കാലാവധി അവസാനിച്ചു; ശിവശങ്കറിനെ ഇന്ന് കോടതിയില് ഹാജരാക്കും