കൊച്ചി: നടൻ ജോജു ജോർജിന് പിറന്നാൾ ആശംസ നേർന്ന് രമേഷ് പിഷാരടി. ജോജുവിനെ കെട്ടിപ്പിടിച്ച് കിടക്കുന്ന ചിത്രത്തോടൊപ്പം ഇൻസ്‌റ്റഗ്രാമിലാണ് പിഷാരടി പിറന്നാൾ ആശംസ നേർന്ന് കുറിപ്പിട്ടത്. “ഉണർന്നിരുപ്പോഴും സ്വപ്നങ്ങൾ കണ്ട, കണ്ട സ്വപ്നങ്ങൾ ഞങ്ങൾക്ക് കാണിച്ചു തന്ന, പിറന്നാളിനും പിറന്നാളിനും ഇടയിൽ തിളക്കം കൂടുന്ന സുഹൃത്തിനു; പിറന്നാൾ ആശംസകൾ ജോജു ചേട്ടാ,”- എന്നാണ് പിഷാരടി ഇൻസ്‌റ്റഗ്രാമിൽ കുറിച്ചത്.
തന്റെ പിറന്നാൾ ആഘോഷത്തിന്റെ ചിത്രങ്ങൾ ജോജുവും ഇൻസ്‌റ്റഗ്രാമിൽ പങ്കുവച്ചിട്ടുണ്ട്.
ജൂനിയർ ആർട്ടിസ്‌റ്റായി തുടങ്ങി ഇന്ന് നടനായും നിർമ്മാതാവായും സിനിമാ മേഖലയിൽ നിറഞ്ഞു നിൽക്കുന്ന ജോജുവിന് ഇനിയും ധാരാളം നല്ലവേഷങ്ങൾ ചെയ്‌ത്‌ പ്രേക്ഷക ഹൃദയങ്ങളിൽ ഇടം പിടിക്കാനാകട്ടെയെന്ന് സഹപ്രവർത്തകരും ആരാധകരും ആശംസിച്ചു.
