മംഗളൂരു: ബലാൽസംഗത്തിന് ഇരയായ പെൺകുട്ടിയെ വീണ്ടും പീഡിപ്പിച്ച് ഗർഭിണിയാക്കിയ സംഭവത്തിൽ പിടിയിലായ പോലീസ് ഉദ്യോഗസ്‌ഥനെ റിമാൻഡ് ചെയ്‌തു. ദക്ഷിണ കന്നഡ ജില്ലയിലെ കടബ പോലീസ് സ്‌റ്റേഷനിലെ കോൺസ്‌റ്റബിളായ ശിവരാജ് നായിക്കിനെയാണ് സെപ്‌റ്റംബർ 27ന് മൂന്ന് ദിവസത്തേക്ക് റിമാൻഡ് ചെയ്‌തത്‌. പെൺകുട്ടിയുടെ പിതാവിന്റെ പരാതിയിലാണ് ഇയാളെ അറസ്‌റ്റ്‌ ചെയ്‌ത്‌ കോടതിയിൽ ഹാജരാക്കിയത്.
ബലാൽസംഗത്തിന് ഇരയായ പെൺകുട്ടിയുടെ വീട്ടിൽ ശിവരാജ് ഇടയ്‌ക്കിടെ സന്ദർശനം നടത്തുമായിരുന്നു. കേസുമായി ബന്ധപ്പെട്ടാണെന്ന് ആയിരുന്നു വാദം. ഇതിനിടെ മകളുടെ പെരുമാറ്റത്തിൽ വന്ന മാറ്റത്തിൽ സംശയം തോന്നിയ പിതാവാണ് പെൺകുട്ടി ഗർഭിണിയാണെന്ന് കണ്ടെത്തിയത്. വിവാഹ വാഗ്‌ദാനം നൽകിയായിരുന്നു പീഡനം. ഗർഭിണിയായതിന് ശേഷം പെൺകുട്ടിയെ വിവാഹം കഴിക്കണമെന്ന് പിതാവ് ശിവരാജിനോട് ആവശ്യപ്പെട്ടെങ്കിലും ഇയാളതിന് തയ്യാറായില്ല. തുടർന്ന് പോലീസിൽ പരാതി നൽകുകയായിരുന്നു.
ഗർഭഛിദ്രം നടത്താൻ ഇയാൾ ശ്രമിച്ചുവെന്നും കുടുംബത്തെ നശിപ്പിക്കുമെന്ന് ഭീഷണിപ്പെടുത്തിയെന്നും പെൺകുട്ടിയുടെ പിതാവിന്റെ പരാതിയിൽ പറയുന്നു. തുടർന്ന്, പോക്‌സോ വകുപ്പുകൾ ഉൾപ്പടെ ചുമത്തിയാണ് ശിവരാജിനെ അറസ്‌റ്റ്‌ ചെയ്‌തത്‌.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
