ന്യൂഡെൽഹി: നിരവധി ഉൽപന്നങ്ങളുടെ ജിഎസ്‌ടി നിരക്ക് കൂട്ടാൻ ആലോചന. ജിഎസ്‌ടി കൺസിൽ 143 ഉൽപന്നങ്ങളുടെ നിരക്ക് കൂട്ടുന്നതിൽ സംസ്‌ഥാനങ്ങളുടെ നിലപാട് തേടി. പപ്പടത്തിനും ശർക്കരയ്‌ക്കും നികുതി ഈടാക്കാനും ശുപാർശയുണ്ട്. വാച്ച്, ടിവി, കണ്ണട ഫ്രെയിം, ചോക്ളേറ്റ് തുടങ്ങിയ ഉൽപന്നങ്ങളുടെ നികുതി വർധിപ്പിക്കാനും തീരുമാനമുണ്ട്.
നേരത്തെ ജിഎസ്‌ടി കുറച്ച ഉൽപന്നങ്ങളുടെ നികുതി വർധിപ്പിക്കാനാണ് തീരുമാനം. സംസ്‌ഥാന സർക്കാറുകളുടെ നിലപാട് ലഭിച്ചതിന് ശേഷം അന്തിമ തീരുമാനമെടുക്കും. സംസ്‌ഥാനങ്ങൾക്ക് നൽകുന്ന ജിഎസ്‌ടി നഷ്‌ടപരിഹാരം വർധിപ്പിക്കണമെന്നും തുടരണമെന്നുമാണ് സംസ്‌ഥാനങ്ങൾ ആവശ്യപ്പെട്ടത്. അതിന് പകരം നികുതി വർധിപ്പിച്ച് വരുമാനം കൂട്ടാനാണ് കേന്ദ്ര നീക്കം.
നിലവിൽ പപ്പടം, ശർക്കര തുടങ്ങിയ ഉൽപന്നങ്ങൾക്ക് ഒന്നും തന്നെ ജിഎസ്‌ടിയില്ല. അതിനാൽ ഇവയ്‌ക്ക് അഞ്ച് ശതമാനം ജിഎസ്‌ടി ചുമത്തണമെന്നാണ് ആലോചന. നേരത്തെ 12 ശതമാനത്തിലേക്ക് കുറച്ച് പല ഉൽപന്നങ്ങളും 28 ശതമാനം നിരക്കിലേക്ക് തിരിച്ചെത്തിക്കും.
പവർ ബാങ്കുകൾ, വാച്ചുകൾ, സ്യൂട്ട് കേസുകൾ, 32 ഇഞ്ചിന് താഴെയുള്ള കളർ ടിവികൾ, ഹാൻഡ് ബാഗുകൾ, പെർഫ്യൂം, ചോക്ളേറ്റ്, ച്യൂയിങ് ഗം, വാൾനട്ട്, മദ്യമൊഴിച്ചുള്ള ബിവറേജസ്, കണ്ണട ഫ്രൈം, സിറാമിക് സിങ്കുകൾ, വാഷ്ബേസ് എന്നീ ഉൽപന്നങ്ങൾ 28 ശതമാനം നിരക്കിൽ നിന്ന് 12 ശതമാനം നിരക്കിലേക്ക് താഴ്‌ത്തിയിരുന്നു. ഇവയെല്ലാം വീണ്ടും 28 ശതമാനം നിരക്കിലേക്ക് ഉയർത്താനാണ് ശുപാർശ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
