മുംബൈ: സുശാന്ത് സിങ് രജപുതിന്റെ മരണവുമായി ബന്ധപ്പെട്ട മയക്കുമരുന്ന് കേസില് നടി റിയ ചക്രബര്ത്തി അറസ്റ്റില്. മൂന്നു ദിവസം നീണ്ട ചോദ്യം ചെയ്യലിന് ശേഷം നാര്കോട്ടിക് കണ്ട്രോള് ബ്യൂറോയാണ് അറസ്റ്റ് രേഖപ്പെടുത്തിയത്.
ശക്തമായ തെളിവുകളുടെ അടിസ്ഥാനത്തിലാണ് അറസ്റ്റെന്ന് എന്സിബി അറിയിച്ചു. റിയ ചക്രബര്ത്തിയുടെ വാട് സ് ആപ് സന്ദേശങ്ങളുടെ അടിസ്ഥാനത്തിലാണ് അന്വേഷണം ആരംഭിച്ചത്. ചോദ്യം ചെയ്യലില് റിയ കുറ്റം സമ്മതിച്ചതായാണ് റിപ്പോര്ട്ടുകള് സൂചിപ്പിക്കുന്നത്.
ഇന്ന് രാവിലെ 10.30 ഓടെയാണ് റിയ ചക്രബര്ത്തി നാര്ക്കോട്ടിക് കണ്ട്രോള് ബ്യൂറോ ഓഫീസിലെത്തിയത്. ഞായറാഴ്ച ആറ് മണിക്കൂറും, ഇന്നലെ എട്ട് മണിക്കൂറും ചോദ്യം ചെയ്തിരുന്നു. എന്സിബി കസ്റ്റഡിയില് കഴിയുന്ന റിയയുടെ സഹോദരന് ഷൊവിക് ചക്രബര്ത്തി, നടന്റെ മുന് മാനേജര് സാമുവേല് മിരാന്റ, വീട്ടു ജോലിക്കാരന് ദീപേഷ് സാവന്ത് എന്നിവരെ ഇന്ന് വീണ്ടും നാര്ക്കോട്ടിക് കണ്ട്രോള് ബ്യൂറോ ഓഫീസിലെത്തിച്ചിരുന്നു.
റിയയും കുടുംബവും സുശാന്തിനെ മാനസികമായി പീഡിപ്പിക്കുകയും സമ്പത്ത് കവര്ന്നെടുക്കുകയും ചെയ്തുവെന്ന് സുശാന്തിന്റെ കുടുംബം ആരോപിച്ചിരുന്നു. എന്നാല് ആരോപണം റിയയും കുടുംബവും നിഷേധിച്ചിരുന്നു.
Related News: സഞ്ജന ഗല്റാണി കസ്റ്റഡിയില്; പോലീസിന്റെ മിന്നല് പരിശോധന തുടരുന്നു