കോഴിക്കോട്: സമസ്ത സെന്റർ ജീവനക്കാരൻ ആയിരുന്ന മുഹമ്മദ് സ്വാദിഖിന്റ കുടുംബത്തെ സഹായിക്കാൻ രൂപീകരിച്ച നിധിയിലേക്ക് വിദേശ മലയാളികളായ മനുഷ്യസ്നേഹികളിൽ നിന്നും സ്വരൂപിച്ച തുക സംഘടനാ നേതൃത്വം ഏറ്റുവാങ്ങി. കേരള മുസ്ലിം ജമാഅത്ത് ആഹ്വാനം ചെയ്തതാണ് സ്വാദിഖ് കുടുംബ സഹായ നിധി.
രിസാല സ്റ്റഡി സർക്കിൾ പ്രവർത്തകരാണ് ഫണ്ട് സ്വരൂപിക്കാൻ നേതൃത്വം നൽകിയത്.കാന്തപുരം എപി അബൂബക്കർ മുസ്ലിയാർ, ജനറൽ സെക്രട്ടറി സയ്യിദ് ഇബ്രാഹിം ഖലീൽ അൽ ബുഖാരി എന്നിവർ ചേർന്നാണ് പ്രവർത്തകരിൽ നിന്ന് ഫണ്ട് സ്വീകരിച്ചത്.
ചടങ്ങിൽ സംസ്ഥാന സെക്രട്ടറിമാരായ എ സൈഫുദ്ധീൻ ഹാജി, പ്രൊഫസർ യുസി അബ്ദുൽ മജീദ്, രിസാല സ്റ്റഡി സർക്കിൾ പ്രധിനിധികളായ അബ്ദുറഹ്മാൻ സഖാഫി ചെമ്പ്രശ്ശേരി, ഖാരിജത്ത്, അഹ്മദ് ഷെറിൻ, അബ്ദുൽ അഹദ് സുഹൈൽ പാലക്കോട് എന്നിവർ പങ്കെടുത്തു.
Most Read: ഓൺലൈൻ ചൂതാട്ടം; നടൻ അജുവർഗീസ് ഉൾപ്പടെയുള്ളവർക്ക് ഹൈക്കോടതി നോട്ടീസ്