നിലയ്‌ക്കൽ: മകരജ്യോതി ദർശനത്തിനായി ഇത്തവണ പുല്ലുമേട്ടിൽ അനുമതിയില്ല. കോവിഡ് നിയന്ത്രണങ്ങൾ ഉള്ളതിനാൽ പമ്പയിലും മറ്റും പർണശാലകൾ കെട്ടാനും അനുവാദം നൽകിയിട്ടില്ല. അതേസമയം പൊന്നമ്പലമേട് കാണാവുന്ന സ്‌ഥലങ്ങളിലെല്ലാം മകരജ്യോതി ദർശനത്തിനായി ആയിരക്കണക്കിന് ഭക്‌തർ കാത്തിരിക്കുകയാണ്.
ഉച്ചയ്‌ക്ക് 2.29നായിരുന്നു മകരസംക്രമ മൂഹൂർത്തം. പന്തളത്തു‌നിന്നുള്ള തിരുവാഭരണ ഘോഷയാത്ര വെെകീട്ട് 6.20ന് ശേഷമാണ് സന്നിധാനത്ത് എത്തുന്നത്. തന്ത്രിയും മേൽശാന്തിയും ചേർന്ന് തിരുവാഭരണങ്ങൾ ഏറ്റുവാങ്ങുകയും 6.30നും 6.45നും ഇടയിൽ ദീപാരാധന നടത്തുകയും ചെയ്യും. തുടർന്നാണ് മകരജ്യോതി തെളിയുക. 75,000 ഭക്‌തരെയാണ് ഇക്കുറി മകരജ്യോതി ദർശനത്തിന് പ്രതീക്ഷിക്കുന്നത്.
Read Also: ദിലീപിന്റെ മുൻ‌കൂർ ജാമ്യാപേക്ഷ ചൊവ്വാഴ്‌ചയിലേക്ക് മാറ്റി
