പത്തനംതിട്ട: കുംഭമാസ പൂജകൾക്കായി ശബരിമല നട ഇന്ന് തുറക്കും. ഇന്ന് വൈകുന്നേരം 5 മണിയോടെയാണ് തന്ത്രി കണ്ഠര് മഹേശ്വര് മോഹനരുടെ സാന്നിധ്യത്തിൽ മേൽശാന്തി എംഎൻ പരമേശ്വരൻ നമ്പൂതിരി നട തുറക്കുക. തുടർന്ന് നാളെ പുലർച്ചെ മുതലാണ് ആളുകൾക്ക് പ്രവേശനം അനുവദിക്കുക.
കോവിഡ് വ്യാപനം നിലനിൽക്കുന്നതിനാൽ വെർച്വൽ ക്യു വഴി ബുക്ക് ചെയ്ത ആളുകൾക്ക് മാത്രമാണ് ദർശനത്തിന് അനുമതി ലഭിക്കുക. പ്രതിദിനം 15,000 പേർക്ക് അനുമതി നൽകും. ദർശനത്തിനായി എത്തുന്ന ആളുകൾക്ക് തിരിച്ചറിയൽ രേഖയും ഒപ്പം 72 മണിക്കൂറിനുള്ളിൽ എടുത്ത ആർടിപിസിആർ നെഗറ്റീവ് സെർട്ടിഫിക്കറ്റോ, രണ്ട് ഡോസ് കോവിഡ് വാക്സിൻ സ്വീകരിച്ചതിന്റെ രേഖയോ നിർബന്ധമാണ്.
കുംഭമാസ പൂജകൾക്ക് ശേഷം 17ആം തീയതി രാത്രി 9 മണിയോടെ നട അടയ്ക്കും. പിന്നീട് മീനമാസ പൂജകൾക്കായി മാർച്ച് 8ആം തീയതിയാണ് വീണ്ടും നട തുറക്കുക.
Read also: കുതിരവട്ടം കൊലപാതകം; പ്രതിയുടെ അറസ്റ്റ് ഇന്ന്