‘സേഫ് സ്‌റ്റേ’ പദ്ധതി; സ്‌ത്രീകൾക്ക് സുരക്ഷിത താമസ സൗകര്യവുമായി കെഎസ്ആർടിസി

By Team Member, Malabar News
KSRTC
Ajwa Travels

തിരുവനന്തപുരം: യാത്രാവേളകളിൽ സ്‌ത്രീകൾക്ക് സുരക്ഷിതമായി താമസിക്കാൻ സൗകര്യമൊരുക്കാൻ തീരുമാനിച്ച് കെഎസ്ആർടിസി. ബസ് ഡിപ്പോകളോട് ചേർന്നുള്ള സ്‌ഥലത്ത് കുറഞ്ഞ ചിലവിൽ താമസ സൗകര്യം ഒരുക്കുന്ന ‘സേഫ് സ്‌റ്റേ’ പദ്ധതി നടപ്പാക്കാനാണ് അധികൃതർ ഉദ്ദേശിക്കുന്നത്. സംസ്‌ഥാനത്ത് കെഎസ്ആർടിസി യാത്രക്കാരിൽ കൂടുതലും സ്‌ത്രീകൾ ആണെങ്കിലും ദീർഘദൂര യാത്രകളിൽ പൊതുവെ സ്‌ത്രീകളുടെ എണ്ണം കുറവാണ്. പ്രധാനമായും രാത്രിയാത്രകളിലെ ബുദ്ധിമുട്ടാണ് ഇതിന് കാരണം.

ഈ പ്രശ്‌നത്തിന് പരിഹാരം കാണാനും, ടിക്കറ്റിതര വരുമാനം വർധിപ്പിക്കാനുമാണ് ‘സേഫ് സ്‌റ്റേ’ പദ്ധതിക്ക് കോർപ്പറേഷൻ രൂപം കൊടുക്കുന്നത്. പദ്ധതിയുടെ ഭാഗമായി സംസ്‌ഥാനത്തെ 44 ഡിപ്പോകളോട് ചേർന്ന് ഉടൻ തന്നെ താമസ സൗകര്യം ഒരുക്കും. കൂടാതെ ഇവയുടെ നടത്തിപ്പിനായി ഏജൻസികൾ വഴി വനിതാ ജീവനക്കാരെ തിരഞ്ഞെടുക്കുമെന്നും അധികൃതർ വ്യക്‌തമാക്കി. ഏജൻസികൾ വഴിയുള്ള നടത്തിപ്പ് ലാഭകരമല്ലെങ്കിൽ കോർപ്പറേഷൻ നേരിട്ടോ വനിതാ ശിശുവികസനവകുപ്പിന്റെ സഹകരണത്തോടെയോ പദ്ധതി നടപ്പാക്കും.

തിരുവനന്തപുരത്ത് തമ്പാനൂർ സെൻട്രൽ ബസ് സ്‌റ്റാൻഡിൽ 4,700 ചതുരശ്രയടിസ്‌ഥലത്ത് സിംഗിൾ, ഡബിൾ, എസി, നോൺ എസി മുറികളാണ് തയ്യാറാക്കുന്നത്. 150 രൂപയാണ് ഇവിടെ ഒരു ദിവസത്തെ വാടക. കൂടാതെ ഡിപ്പോകളിൽ നിന്നും ബസുകൾ പുറപ്പെടുന്ന സമയം കൃത്യമായി മുറികളിൽ കഴിയുന്ന സ്‌ത്രീകളെ അറിയിക്കും. കൂടാതെ കോഴിക്കോട് ഉടൻ തന്നെ പദ്ധതി ആരംഭിക്കുമെന്നും, എന്നാൽ എറണാകുളത്ത് പുതിയ കെട്ടിട നിർമാണം പൂർത്തിയായാൽ മാത്രമേ പദ്ധതി തുടങ്ങാൻ സാധിക്കൂ എന്നും അധികൃതർ വ്യക്‌തമാക്കി.

Read also: കൊയിലാണ്ടിയിൽ യുവാവിനെ തട്ടിക്കൊണ്ട് പോയി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE