റിയാദ് : വിവിധ ആവശ്യങ്ങൾക്കായി രാജ്യത്ത് എത്തുന്ന വിദേശികളുടെ ആരോഗ്യ ഇൻഷുറൻസ് പരിരക്ഷയിൽ കോവിഡ് ചികിൽസയും ഉൾപ്പെടുത്തി സൗദി. തീർഥാടനം, വിനോദസഞ്ചാരം, സന്ദർശനം തുടങ്ങിയ ആവശ്യങ്ങൾക്കായി രാജ്യത്ത് എത്തുന്ന വിദേശികളുടെ ആരോഗ്യ ഇൻഷുറൻസിലാണ് കോവിഡ് ചികിൽസ ഉൾപ്പെടുത്തിയത്.
അതിനാൽ തന്നെ ഇനിമുതൽ സൗദിയിലേക്ക് ഉംറ തീർഥാടനത്തിനും മറ്റും എത്തുന്നവർ കോവിഡ് ചികിൽസ കൂടിയുള്ള ആരോഗ്യ ഇൻഷുറൻസ് എടുക്കണം. ഇതിലൂടെ രാജ്യത്തെത്തി കോവിഡ് സ്‌ഥിരീകരിച്ചാൽ ലഭിക്കേണ്ട മുഴുവൻ ചികിൽസയുടെയും ക്വാറന്റെയ്ന്റെയും മറ്റ് അടിയന്തിര വൈദ്യ സഹായത്തിന്റെയും ചിലവുകൾ മുഴുവനും ആരോഗ്യ ഇൻഷുറൻസിലൂടെ വിദേശികൾക്ക് ലഭ്യമാകും.
Read also : ഒമാൻ; ചെറിയ പെരുന്നാൾ അവധി പ്രഖ്യാപിച്ചു
