മഞ്ചേശ്വരം: മൂസോടിയിൽ ഉണ്ടായ കടലേറ്റതിൽ ഒരു വീട് ഭാഗികമായി തകർന്നു. വ്യാഴാഴ്‌ച പുലർച്ചെയാണ് സംഭവം. മൂസോടിയിലെ മറിയുമ്മ ഇബ്രാഹിമിന്റെ വീഎടാൻ തകർന്നത്. വീടിന്റെ പിൻഭാഗം കടലെടുത്ത നിലയിലാണ്. ഒരാഴ്‌ച മുൻപ് ഉണ്ടായ കടലേറ്റത്തിൽ രണ്ട് വീടുകൾക്കും കേടുപാടുകൾ സംഭവിച്ചിരുന്നു.
അന്ന് കടലേറ്റ ഭീഷണി നേരിടുന്ന കുടുംബങ്ങളെ മൂസോടി സ്‌കൂളിലേക്ക് മാറ്റിപാർപ്പിച്ചിരിരുന്നു. എന്നാൽ, പിന്നീട് ഇവർ വീടുകളിലേക്ക് തിരിച്ചുപോയി. തങ്ങൾ താമസിക്കുന്നത് അപകടാവസ്‌ഥയിലായ വീടുകളിലാണെന്നും അധികൃതരിൽ നിന്ന് സഹായങ്ങളൊന്നും ലഭിക്കുന്നില്ലെന്നും ഇവിടുത്തെ കുടുംബങ്ങൾ പറയുന്നു. മംഗൽപാടി പഞ്ചായത്ത് പ്രസിഡണ്ട് റിസാന സാബിർ സംഭവ സ്‌ഥലം സന്ദർശിച്ചു.
Also Read: കർഷക പ്രക്ഷോഭം; കൂടുതൽ മഹാപഞ്ചായത്തുകൾ സംഘടിപ്പിക്കാൻ കർഷകർ
