ന്യൂഡെൽഹി: കർഷക വിരുദ്ധ കാർഷിക നിയമങ്ങൾ പിൻവലിക്കണമെന്ന് ആവശ്യപ്പെട്ട് ഉത്തരേന്ത്യയിൽ കൂടുതൽ കിസാൻ മഹാപഞ്ചായത്തുകൾ സംഘടിപ്പിക്കാൻ കർഷകർ. രാജസ്ഥാനിൽ കോൺഗ്രസിന്റെ ആഭിമുഖ്യത്തിൽ ഇന്ന് രണ്ട് കർഷക മഹാ കൂട്ടായ്മകൾ സംഘടിപ്പിക്കും.
അതേസമയം, ചെങ്കോട്ട സംഘർഷത്തിൽ നീതിയുക്തമായ അന്വേഷണം ഉറപ്പാക്കണമെന്ന് ഡെൽഹി ചീഫ് മെട്രോപൊളിറ്റൻ മജിസ്ട്രേറ്റ് കോടതി ഡെൽഹി പോലീസിന് നിർദേശം നൽകി. കേസിൽ മുഖ്യപ്രതിയും നടനുമായ ദീപ് സിദ്ദു സമർപ്പിച്ച ഹരജിയിലാണ് കോടതി ഉത്തരവ്.
സർക്കാരിന്റെ ഭാഗത്ത് നിന്നും കാർഷിക നിയമങ്ങൾ പിൻവലിക്കാൻ നടപടികളൊന്നും തന്നെ ഉണ്ടാകാത്ത സ്ഥിതിക്ക് കർഷക പ്രക്ഷോഭം കൂടുതൽ ശക്തമാക്കാൻ കർഷകർ തീരുമാനിച്ചിരുന്നു. ഇതിന്റെ ഭാഗമായി കർഷക പ്രക്ഷോഭ കേന്ദ്രങ്ങളിൽ ഇന്ന് ചന്ദ്രശേഖർ ആസാദ് രക്തസാക്ഷി ദിനമായും കർഷകരുടെയും തൊഴിലാളികളുടെയും ഏകതാ ദിവസമായും ആചരിക്കും.
Read also: സുരക്ഷാവീഴ്ച; കൊടി സുനിയുമായി മാഹിയിലേക്ക് പോയ പോലീസ് ഉദ്യോഗസ്ഥർക്ക് സസ്പെൻഷൻ