കോഴിക്കോട്: കുഞ്ഞി കുടുക്കയിൽ കരുതിവച്ച സമ്പാദ്യം ജീവകാരുണ്യ പ്രവർത്തനങ്ങൾക്ക് നൽകി രണ്ടാം ക്ളാസുകാരൻ. പന്നിക്കോട് പാലാട്ട് ബഷീറിന്റെ മകൻ മുഹമ്മദ് അഫ്നാൻ (അഫി) ആണ് തനിക്ക് പലപ്പോഴായി കിട്ടിയ നാണയത്തുട്ടുകൾ ജീവകാരുണ്യ പ്രവർത്തനത്തിനായി കൈമാറി മാതൃകയായത്.
കോഴിക്കോട് മെഡിക്കൽ കോളേജ് കേന്ദ്രീകരിച്ച് ജീവകാരുണ്യ പ്രവർത്തനങ്ങൾക്ക് നേതൃത്വം നൽകുന്ന സിഎച്ച് സെന്ററിനാണ് തന്റെ പണക്കുടുക്ക അഫി സംഭാവന ചെയ്തത്.
ഞായറാഴ്ച സിഎച്ച് സെന്ററിന് ധനസമാഹരണത്തിനായി അനസ് ഉച്ചക്കാവിൽ, ലാസിം ഷാദ്, സലീം പൊലുകുന്നത്ത് എന്നിവർ വീട്ടിലെത്തിയപ്പോഴാണ് അഫി തന്റെ കുഞ്ഞു സമ്പാദ്യം കൈമാറിയത്. പന്നിക്കോട് ജിഎൽപി സ്കൂൾ വിദ്യാർഥിയാണ് അഫി.
Also Read: ആടിനെ വിറ്റ് വീണ്ടും മുഖ്യമന്ത്രിയുടെ ദുരിതാശ്വാസ നിധിയിലേക്ക് പണമയച്ച് സുബൈദ