മലപ്പുറം: പുറത്തൂർ പഞ്ചായത്തിൽ ജയിച്ച മുസ്ലിം ലീഗ് സ്ഥാനാർഥിയുടെ കടക്ക് തീയിട്ടു. 17ആം വാർഡ് എടക്കനാടിൽ നിന്ന് വിജയിച്ച പനച്ചിയിൽ നൗഫലിന്റെ കാവിലക്കാടുള്ള കാറ്ററിങ് സർവീസ് കടയാണ് തീയിട്ടത്. ബുധനാഴ്ച രാത്രി 10 മണിയോടെ ആയിരുന്നു സംഭവം. തീ സമീപത്തെ തെങ്ങുകളിലേക്ക് ആളിപ്പടരാൻ തുടങ്ങിയതോടെയാണ് നാട്ടുകാരെത്തി തീയണക്കാൻ തുടങ്ങിയത്. തിരൂരിൽ നിന്ന് അഗ്നിശമന സേനയും എത്തിയിരുന്നു.
Also Read: പദ്ധതികൾ പാഴായി; കാരണങ്ങൾ തേടി ബിജെപി; കേന്ദ്രത്തെ അറിയിക്കും
സിപിഎം നേതാക്കളാണ് അക്രമം നടത്തിയതെന്ന് യുഡിഎഫ് നേതാക്കൾ പറയുന്നു. നൗഫലിന്റെ വീട്ടിൽ കയറി അസഭ്യം പറഞ്ഞതായും പരാതിയുണ്ട്. . എടക്കനാട് വാർഡിൽ നൗഫൽ, സിപിഎമ്മിന്റെ മുതിർന്ന നേതാവ് കെ.വി സുധാകരനെയാണ് പരാജയപ്പെടുത്തിയത്. ഇരുനൂറിലേറെ വോട്ടുകളുടെ ഭൂരിപക്ഷം നൗഫൽ നേടിയിരുന്നു.