ന്യൂഡെൽഹി: 39 മരുന്നുകളുടെ വിലയിൽ ഇളവ് നൽകി കേന്ദ്രസർക്കാർ. കാൻസർ, പ്രമേഹം എന്നിവയുടെ ചികിൽസക്ക് വിതരണം ചെയ്യുന്ന മരുന്നുകൾക്ക് ഉൾപ്പടെയാണ് ഇപ്പോൾ വില കുറച്ചത്. അവശ്യ മരുന്നുകളുടെ ദേശീയ പട്ടികയിൽ 39 മരുന്നുകൾ കൂടി ഉൾപ്പെടുത്തിയതോടെയാണ് വിലയിൽ ഇളവ് ഉണ്ടായത്. കേന്ദ്രമന്ത്രി മന്‍സുഖ് മാന്‍ഡവ്യയാണ് ഇളവ് പ്രഖ്യാപിച്ചത്.
അതേസമയം തന്നെ ബ്ളീച്ചിങ് പൗഡർ ഉൾപ്പടെയുള്ള 16 മരുന്നുകളെ ദേശീയ അവശ്യമരുന്ന് പട്ടികയിൽ നിന്നും ഒഴിവാക്കിയിട്ടുണ്ട്. 5 വർഷം കൂടുമ്പോഴാണ് രാജ്യത്ത് അവശ്യ മരുന്നുകളുടെ പട്ടിക പുതുക്കുന്നത്. നിലവിൽ 370ഓളം മരുന്നുകളാണ് ദേശീയ അവശ്യ മരുന്ന് പട്ടികയിൽ ഉൾപ്പെട്ടിട്ടുള്ളത്.
Read also: യുപിയിൽ പടർന്നുപിടിച്ച് മാരക ഡെങ്കി; കുട്ടികളടക്കം 50 പേർ മരിച്ചു
