കോഴിക്കോട്: ജില്ലയിൽ ഇതുവരെ 19,44,334 പേർ കോവിഡ് വാക്‌സിൻ സ്വീകരിച്ചു. ഇതിൽ 13,76,054 പേർ ഒന്നാം ഡോസ് വാക്‌സിനും 5,68,280 പേർ രണ്ടാം ഡോസും സ്വീകരിച്ചു. 121 സർക്കാർ കേന്ദ്രങ്ങളിലും 27 സ്വകാര്യ ആശുപത്രികളിലുമായി 148 കേന്ദ്രങ്ങളിലാണ് വാക്‌സിനേഷൻ നടന്നത്. 21,016 പേരാണ് ഇന്ന് മാത്രം വാക്‌സിൻ സ്വീകരിച്ചത്.
9,63,951 പുരുഷൻമാരും 9,79,983 സ്‌ത്രീകളും ഇതുവരെ വാക്‌സിൻ സ്വീകരിച്ചു. 60 വയസിന് മുകളിൽ പ്രായമുള്ള 6,91,882 പേരും 45നും 60നും ഇടയിൽ പ്രായമുള്ള 7,20,762 പേരും വാക്‌സിനേഷൻ നടത്തി. 18 മുതൽ 44 വയസു വരെ പ്രായമുള്ള 5,31,690 പേരാണ് ജില്ലയിൽ ഇതുവരെ വാക്‌സിൻ സ്വീകരിച്ചത്.
അതേസമയം, ജില്ലയിൽ ഇന്ന് 1,526 പേർക്ക് കോവിഡ് സ്‌ഥിരീകരിച്ചു. ഇതിൽ 1,503 പേർക്കും സമ്പർക്കത്തിലൂടെയാണ് രോഗബാധ ഉണ്ടായിരിക്കുന്നത്. 2,631 പേർ ഇന്ന് രോഗമുക്‌തി നേടിയിട്ടുണ്ട്.
Most Read: കോഴ ആരോപണം; സികെ ജാനുവിന്റെ ഫോണുകൾ ക്രൈം ബ്രാഞ്ച് പിടിച്ചെടുത്തു
