ബംഗളൂരു: അധ്യാപകനോട് മോശമായി പെരുമാറുകയും തലയില്‍ മാലിന്യക്കുട്ട കമിഴ്‌ത്തുകയും ചെയ്‌ത സംഭവത്തില്‍ അന്വേഷണത്തിന് ഉത്തരവ്. കര്‍ണാടകയിലെ ദാവന്‍ഗരെ ജില്ലയില്‍ ഒരു കൂട്ടം വിദ്യാര്‍ഥികള്‍ അധ്യാപകനോട് മോശമായി പെരുമാറുന്നതിന്റെ വീഡിയോ സമൂഹ മാദ്ധ്യമങ്ങളില്‍ പ്രചരിച്ചത് പിന്നാലെയാണ് അന്വേഷണം. കര്‍ണാടക വിദ്യാഭ്യാസ വകുപ്പാണ് അന്വേഷണത്തിന് ഉത്തരവിട്ടത്.
കർണാടക ചന്നഗിരി നഗരത്തിലെ സര്‍ക്കാര്‍ ഹൈസ്‌കൂളിലേതാണ് വിഡിയോ. കഴിഞ്ഞ ഡിസംബര്‍ മൂന്നിനാണ് സംഭവം. അധ്യാപകനോട് വിദ്യാര്‍ഥികള്‍ മോശമായി പെരുമാറുന്നതും അധ്യാപകന്‍ ക്ളാസെടുക്കാന്‍ തുടങ്ങുമ്പോള്‍ വിദ്യാര്‍ഥികള്‍ അധ്യാപകന്റെ തലയില്‍ മാലിന്യക്കുട്ട കമിഴ്‌ത്തുകയായിരുന്നു.
ക്ളാസ് മുറിയില്‍ ലഹരിവസ്‌തുക്കളുടെ പാക്കറ്റ് കണ്ടത് ചോദ്യം ചെയ്‌തതോടെയാണ് അതിക്രമമെന്ന് അധ്യാപകന്‍ ഡെക്കാന്‍ ഹെറാള്‍ഡിനോട് പറഞ്ഞു. അതേസമയം, സംഭവത്തില്‍ അധ്യാപകന്‍ വിദ്യാര്‍ഥികള്‍ക്കെതിരെ പരാതി നല്‍കിയിട്ടില്ല.
Read also: തന്നെ നിയമിച്ചത് കേരളാ ഗവര്‍ണർ; കണ്ണൂര്‍ വിസി ഗോപിനാഥ് രവീന്ദ്രന്‍
