കോഴിക്കോട്: ഗുരുതര കടലാക്രമണം മൂലം ദുരിതത്തിലായ തീരദേശ വാസികള്‍ക്ക് ആശ്വാസമായി കടലുണ്ടി സുന്നി മഹല്ല് കമ്മിറ്റിയും കേരള മുസ്‌ലിം ജമാഅത്ത് യൂണിറ്റ് കമ്മിറ്റിയും സംയുക്‌തമായി ധനസഹായം കൈമാറി.
കടലുണ്ടി പഞ്ചായത്തിലെ തീരദേശത്ത് ദുരിതമനുഭവിക്കുന്ന കുടുംബങ്ങള്‍ക്ക് ഭക്ഷണം എത്തിക്കുന്നതിലേക്കാണ് ധനസഹായം ഉപയോഗിക്കുക. മഹല്ലുകമ്മിറ്റി അംഗങ്ങളിൽ നിന്ന് സ്വരൂപിച്ച അരലക്ഷം രൂപ നിയുക്‌ത ബേപ്പൂര്‍ എംഎല്‍എ പിഎ മുഹമ്മദ് റിയാസിന് മഹല്ല് ഖാളി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരിയാണ് കൈമാറിയത്.
വരും ദിവസങ്ങളിലും സാധ്യമാകുന്ന സഹായങ്ങള്‍ തീരദേശത്തിനായി എത്തിക്കുമെന്ന് ഖലീലുൽ ബുഖാരി തങ്ങള്‍ പറഞ്ഞു. കടലാക്രമണവും കോവിഡ് മഹാമാരിയും മൽസ്യ സമ്പത്തിന്റെ ലഭ്യതകുറവും കാരണം വളരെ കഷ്‌ടത അനുഭവിക്കുന്നവര്‍ക്ക് അവരവരാൽ കഴിയുന്ന സഹായങ്ങളെത്തിക്കാന്‍ ഇദ്ദേഹം സമൂഹത്തോട് ആവശ്യപ്പെട്ടു.
Most Read: കോവിഡ് സ്‌ഥിരീകരിച്ചതിന് പിന്നാലെ മാതാപിതാക്കൾ ഉപേക്ഷിച്ചു; രണ്ടു വയസുകാരന് ദാരുണാന്ത്യം
